ខេត្តកពង់ឆ្នាំង៖ បុរសម្នាក់បានសម្រេចចិត្តយកក្រមាមកចងកទៅនឹងធ្នឹមផ្ទះដើម្បីសម្លាប់ខ្លួនឯង ហេតុការណ៍នេះបានកើតឡើងនៅម៉ោង៦និង៣០នាទីព្រឹក ថ្ងៃទី០៨ ខែតុលា ឆ្នាំ២០១៥ នៅក្នុងផ្ទះរបស់បុរសអត្តឃាត ស្ថិតក្នុងភូមិព្រៃខ្មែរ ឃុំរលារប្អៀរ ស្រុករលារប្អៀរ ។
លោក យឹម សុផលប្រធានផ្នែកព្រហ្មទ័ណ្ឌស្រុករលាប្អៀរបានអោយដឹងថា បុរសដែលចងកសម្លាប់ខ្លួនឯងនេះមាន ឈ្មោះ ហ៊ាន សម្បត្តិ អាយុ៣៤ឆ្នាំ រស់នៅក្នុងភូមិជារៅ ឃុំរលារប្អៀរ ស្រុករលារប្អៀរ ។
ស្រ្តីជាម្តាយរបស់បុរសធ្វើអត្តឃាត បានអោយដឹងថា គាត់មិនដឹងថាកូនរបស់គាត់មិនដឹងថាចងតាំងពីពេលណានោះទេ ប៉ុន្តែនៅពេលដែលគាត់ ងើបដាំបាយទៀបភ្លឺ ឃើញទ្វារបន្ទប់របស់កូនគាត់បិទជិត រួចគាត់បានបន្តដាំបាយ។ ក្រោយពីដាំបាយឆ្អិននៅវេលាម៉ោងប្រមាណ៦គាត់បានហៅកូនគាត់អោយចុះហូបបាយពេលព្រឹក ប៉ុន្តែនៅពេលដែលហៅនោះ កូនប្រុសរបស់គាត់អត់ឆ្លើយនោះទេ ដោយសារមានការសង្ស័យ គាត់ឡើងទៅបើកបង្អួចមើល ក៏ឃើញកូនប្រុសរបស់គាត់ចងកស្លាប់បាត់ទៅហើយ ។ រួចបានហៅអ្នកភូមិដែលនៅក្បែរនោះអោយជួយមើល និងរាយការណ៍ទៅសមត្ថកិច្ចដើម្បីពិនិត្យសាកសព ។
ក្រោយពីពិនិត្យសាកសពសមត្ថកិច្ចបានសន្និដ្ឋានថា បុរសខាងលើពិតជាធ្វើអត្តឃាតខ្លួនឯងពិតប្រាកដមែន ដោយសារតែតួចចិត្តនឹងមានជំងឺប្រចាំកាយហើយមើលមិនជា ក៏សម្រេចចិត្តសម្លាប់ខ្លួនដោយចងកតែម្តង ៕
ដោយ៖ ចន្ថា
