កុមារចិនម្នាក់បានស្លាប់ភ្លាមនៅនឹងកន្លែងក្រោយពេលជណ្តើរយន្តគៀបជាប់ ស្ថិតនៅស្ថានីយរថភ្លើងក្នុងទីក្រុងជុងគីងកាលពីវេលាម៉ោង១១ព្រឹក ថ្ងៃទី៨ ខែតុលា ។ មកទល់ពេលនេះព័ត៌មានលម្អិតស្តីពីកុមារគ្រោះថ្នាក់នោះមិនទាន់បានប្រកាសឲ្យដឹងនៅឡើយ។
ក្រោយហេតុការណ៍កើតឡើងភ្លាមៗ បុគ្គលិកនៅទីនោះក៏បានបញ្ឈប់ជណ្តើរយន្តភ្លាមៗដើម្បីយកសាកសពកុមារអាភ័ព្វនោះចេញពីកន្លែងកើតហេតុ។ រូបភាពកុមារខាងលើត្រូវបានគេបង្ហោះតាមបណ្តាញទំនាក់ទំនងសង្គមធ្វើឲ្យមនុស្សជាច្រើនខ្លោចផ្សាយ៉ាងខ្លាំង។ ម្តាយរបស់កុមារខាងលើរស្រែកទ្រហ៊ោយំ ដោយការ ឈឺចាប់គ្មានព្រំដែលពេលមើលឃើញកូនជាទីស្រឡាញ់របស់ខ្លួនស្លាប់នៅមុខភ្នែក មិនអាចជួយបាន ។
នេះជាគ្រោះថ្នាក់ថ្មីបំផុតពាក់ព័ន្ធនឹងជណ្តើរយន្តហោះក្នុងប្រទេសចិន។ កន្លងមកថ្មីៗ កុមារីអាយុ៣ឆ្នាំម្នាក់ក៏ត្រូវជណ្តើនោះគៀបដាច់ដៃម្ខាងផងដែរនៅក្នុងផ្សារទំនើបមួយ។ ចំណែក នៅក្នុងមជ្ឈមណ្ឌុលពាណិជ្ជកម្មផ្សារទំនើប Zhongshan Park បុគ្គលិកអនាម័យ ត្រូវកាត់ជើង ចោលក្រោយពេលដែលត្រូវជណ្តើរយន្តគៀប។
នៅក្នុងប្រទេសចិនមានករណីបែបនេះកើតឡើងជាញឹកញប់ដោយសារតែការធ្វេសប្រហែស។ ទាំងនោះហើយ សូមមនុស្សគ្រប់រូបពេលទៅកាន់ផ្សារទំនើបមិនថានៅក្នុងប្រទេសណានោះឡើយ ត្រូវមានការប្រុងប្រយ័ត្នដោយខ្លួនឯង ដើម្បីកុំឲ្យមានរឿងបែបនេះកើតឡើង ៕
ប្រែសម្រួល៖ ម៉ែវ សាធី
