ភ្នំពេញ៖ បុរសម្នាក់បានស្លាប់បាត់បង់ជីវិតភ្លាមៗនៅកន្លែងកើតហេតុខណៈដែលរូបគាត់បានជិះម៉ូតូឌ្រីមសង់មួយគ្រឿងជ្រុលបុកជាមួយរថយន្ដហ្វតរេនជ័រពេញទំហឹង ។

កាលពីវេលាម៉ោង២១និង១៤នាទីយប់ថ្ងៃទី១៣ ខែតុលា ឆ្នាំ២០១៥ តាមបណ្ដោយផ្លូវលេខ ៣៧១ ស្ថិតនៅក្នុងភូមិត្នោតជ្រុំ៤ សង្កាត់បឹងទំពន់ ខណ្ឌមានជ័យ រាជធានីភ្នំពេញ។

សាក្សីនៅកន្លែងកើតហេតុបានអោយដឹងថា មុនពេលកើតហេតុគេបានឃើញមានបុរសម្នាក់ជិះម៉ូតូមួយគ្រឿងម៉ាកឌ្រីមសង់ ពណ៍ខ្មៅ ពាក់ស្លាកលេខ កណ្ដាល1H-6132 ធ្វើដំណើរតាមបណ្ដោយផ្លូវលេខ ៣៧១ ទិសដៅពីលិចទៅកើតក្នុងល្បឿនលឿនលុះមកដល់ចំណុចកើតហេតុក៏មានរថយន្ដមួយគ្រឿងម៉ាក ហ្វតរេនជ័រ ពណ៍ស ពាក់ស្លាកលេខ ភ្នំពេញ2AC-1418 បើកបរដោយបុរសនារីពីរនាក់ធ្វើដំណើរបញ្ច្រាសទិសគ្នាក្នុងល្បឿនលឿនបានជ្រុលបុកគ្នាពេញទំហឹងបណ្ដាលអោយបុរសដែលជាអ្នកជិះម៉ូតូបោកជាមួយរថយន្ដស្លាប់ភ្លាមៗនៅកន្លែងកើតហេតុ និងម៉ូតូរងការខូចខាតផ្នែកខាងមុខទាំងស្រុង ចំណែករថយន្ដរងការខូចខាតផ្នែកខាងមុខផងដែរ។

ក្រោយកើតហេតុកម្លាំងសមត្ថកិច្ចមូលដ្ឋានបានសហការណ៍ជាមួយកម្លាំងជំនាញចុះធ្វើការវាស់វែងយកម៉ូតូនិងរថយន្ដយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីរងចាំធ្វើការដោះស្រាយនៅពេលក្រោយ។ ចំណែកសពជនរងគ្រោះនៅមិនទាន់បានស្គាល់អត្តសញ្ញាននៅឡើយទេ ហើយសមត្ថកិច្ចបានដឹកយកដំកល់ទុកនៅវត្ត សំបួរមាស ដើម្បីរងចាំស្រាវជ្រាវរកសាច់ញ្ញាត្តិមកទទួលយកទៅធ្វើបុណ្យតាមប្រពៃណី ៕

ដោយ​៖ ព្រែកជ័យ