ភ្នំពេញ៖ ជនសង្ស័យម្នាក់ត្រូវបានកម្លាំងព្រហ្មទណ្ឌខណ្ឌ៧មករាឃាត់ខ្លួន បន្ទាប់ពីពួកគេ២នាក់ធ្វើសកម្មភាពឆក់កាបូបពីស្រ្តីម្នាក់បានសម្រេច ខណៈដែលនារីរងគ្រោះកំពុងតែដើរឆ្លងផ្លូវ ។
ហេតុកាណ៍នេះកើតនៅវេលាម៉ោង១១និង០០នាទីព្រឹក ថ្ងៃទី១៥ ខែតុលា ឆ្នាំ២០១៥ នៅចំណុចផ្លូវ២១៩ កែងផ្លូវលេង១៨២ ស្ថិតក្នុងសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ ។
ជនសង្ស័យទី១មានឈ្មោះ ភូ ជឺឡុង ភេទប្រុស អាយុ២៨ឆ្នាំ ស្នាក់នៅផ្ទះជួល១២០Eo ផ្លូវ២១៧ ក្រុម១៧ ភូមិ៥ ក្នុងសង្កាត់វាលវង់ ខណ្ឌ៧មករា មុខរបរមិនពិតប្រាកដ និងជនសង្ស័យម្នាក់ទៀតដែលរត់គេចខ្លួនបាត់មានឈ្មោះ អាយ៉ា ភេទប្រុស អាយុ២៦ឆ្នាំ ។ ចំណែកនារីរងគ្រោះមានឈ្មោះ សុខ ប៊ុនណន ភេទស្រី អាយុ៥៣ឆ្នាំ ស្នាក់នៅម្ដុំផ្លូវវេងស្រេង ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុស្រ្តីរងគ្រោះជាមួយបានដើរម្នាក់ឯងតាមផ្លូវលេខ១៨២កែងផ្លូវលេខ២១៩ ពេលដែលកំពុងតែស្រាប់តែភ្លាមៗនោះក៏មានជនសង្ស័យ២នាក់ជិះម៉ូតូ១គ្រឿងម៉ាកស្មាស V ពណ៌ខ្មៅ អត់ពាក់ស្លាកលេខ ពេលនោះ ជនសង្ស័យក៏បានធ្វើសកម្មភាពឆក់កាបូបហើយក៏បានជិះម៉ូតូបើករត់គេចខ្លួន តែដោយកម្លាំងព្រហ្មទណ្ឌខណ្ឌ៧មករាកំពុងជិះល្បាតនៅជិតនោះក៏បានឮ ជនរងគ្រោះស្រែកថាចោរៗ ដោយឃើញដូច្នះកម្លាំងព្រហ្មទណ្ឌខណ្ឌ៧មករាក៏ឃើញជនសង្ស័យបានធ្វើសកម្មភាពឆក់ការបូប យ៉ាងជាក់ស្នែង ក៏នាំគ្នាជិះម៉ូតូដេញតាមជនសង្ស័យទាំង២នាក់នោះរហូតដល់ចំណុចកើតហេតុខាងលើ នោះជនសង្ស័យក៏បានដួលម៉ូតូក៏ត្រូវប្រជាពលរដ្ឋដែលនៅម្តុំនោះស្វាគមន៍យ៉ាងអ្នកមួយដៃអ្នកមួយជើងយ៉ាងចាស់ដៃ ក៏ត្រូវបានកម្លាំងព្រហ្មទណ្ឌខណ្ឌ៧មករាឃាត់ខ្លួនបានជនសង្ស័យម្នាក់ភ្លាមៗចំណែកជនសង្ស័យម្នាក់យកកាបូបរបស់ជនរងគ្រោះរត់គេចខ្លួនបាត់សម្រោលតែម្តង ។
បច្ចប្បន្នជនសង្ស័យត្រូវបានកម្លាំងព្រហ្មទណ្ឌខណ្ឌ៧មករាប្រគល់អោយប៉ុស្តិ៍ផ្សារដេប៉ូទី១ដើម្បីចាក់ការតាមផ្លូវច្បាប់ ៕
ដោយ៖ ស រស្មី
