ភ្នំពេញ៖ កម្លាំងនគរបាលប៉ុសិ៍្តរដ្ឋបាលស្ទឹងមានជ័យចាប់ឃាត់ខ្លួនបុរស២នាក់កាលពីវេលាម៉ោង ១០ព្រឹក ថ្ងៃទី១៥ ខែតុលា ឆ្នាំ២០១៥ នៅចំណុចក្នុងផ្ទះជួលមួយកន្លែង ស្ថិតក្នុងភូមិមានជ័យ ផ្លូវលំ សង្កាត់ស្ទឹងមានជ័យ ខណ្ឌមានជ័យ ពាក់ព័ន្ធករណីរក្សាទុកសារធាតុញៀន និងប្រើប្រាស់ ខុសច្បាប់ ។

សមត្ថកិច្ចបានឲ្យដឹងថា ជនសង្ស័យមានឈ្មោះ សល់ ពិសិដ្ឋ ភេទប្រុស អាយុ១៨ឆ្នាំ ស្នាក់នៅផ្ទះជួល ស្ថិតភូមិមានជ័យ ផ្លូវលំ សង្កាត់ស្ទឹងមានជ័យ ខណ្ឌមានជ័យ និងមួយទៀតឈ្មោះ នូវ វិ ចិ្ឆកា ភេទប្រុស អាយុ១៨ឆ្នាំ ស្នាក់នៅផ្ទះលេខ៥៣ ផ្លូវលំ ភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ។ ក្នុងនោះសមត្ថកិច្ចបានដកហូតវត្ថុតាងរួមមាន៖ ក្រាមពណ៌សថ្លាចំនួន៣កញ្ចប់ និងកាបូបស្ពាយចំនួន១ផងដែរ ។

បច្ចុប្បន្នជនសង្ស័យត្រូវបានកសាងសំណុំរឿងបញ្ជូនទៅអធិការដ្ឋាននគរបាលខណ្ឌមានជ័យ ដើម្បីចាត់ការបន្តទៅតាមនីតិវិធីច្បាប់ ៕

ដោយ៖ តាឡឹម