ក្រុមFBI អាមេរិកទើបតែបានបំបែកសំបុកក្រុមជួញដូរទាសករផ្លូវភេទនៅទូទាំងអាមេរិក ដោយបានចាប់ខ្លួនមនុស្ស​១៥០នាក់ដែលពាក់ព័ន្ធ និងរំដោះបានស្ត្រី​ជាង​១០០នាក់ក្រោមអាយុ​១៨ឆ្នាំត្រូវគេបង្ខំឲ្យបម្រើផ្លូវភេទ ភាគច្រើននៅក្នុងទីក្រុង​Atlanta , Denver និងseattle ជាដើម។

ក្រុមស្រាវជ្រាវ​ FBI​អាមេរិក បានសម្តៅទៅលើទីតាំងនៅក្នុងសណ្ឋាគារ កាស៊ីណូ និងចំណត​រថយន្ត​ស្វែករក ស្រ្តីបម្រើផ្លូវភេទទាំងវ័យក្មេង។តាមការបញ្ជាក់អោយដឹងពីក្រុម FBI ក្នុងចំណោមជនរងគ្រោះដែលត្រូវរំដោះមានកុមារ៉ា​៣នាក់និងយុវជនកែភេទ​៣នាក់ទៀតមានវ័យទើបតែ១២ឆ្នាំប៉ុណ្ណោះ។

លោក​James Comey ប្រធានក្រុម​ FBIបានបញ្ចាក់ថា «នៅពេលដែលកុមារត្រូវបានគេប្រើប្រាស់ចាត់ទុកដូចជាទំនិញនៅក្នុងសណ្ឋាគារ និងនៅតាមចញ្ចើមផ្លូវងងិត។ យើងចាំបាច់ត្រូវតែជួយដល់កុមារទាំងនោះគេចផុតពីអំពីព្រៃផ្សៃទាសករផ្លូវភេទ។

ក្រុម FBIបានសហការជាមួយប៉ូលិសអាមេរិកនៅទូទាំងអាមេរិក មានជាង៥០០ស្នាក់ការប៉ូលិសបានចូលរួមនៅក្នុងសកម្មភាពខាងលើ។ ក្រុមខាងលើបានផ្តល់សេវាកម្មសុខាភិបាល ក៏ដូចជាការងាដើម្បីអ្នកទាំងនោះបញ្ចប់ការវិលត្រឡប់ទៅប្រកបរបរផ្លូវភេទទៀត។

កាលពីឆ្នាំ​២០១៤ ក្រុម FBIក៏បានជួយរំដោះស្ត្រីក្រោមអាយុ​១៨ឆ្នាំរហូតដល់ទៅ​១៦០នាក់ផងដែរ។