ភ្នំពេញ៖ ជនសង្ស័យម្នាក់ក្រោយពីធ្វេីសកម្មភាពលួច ម៉ូតូមិត្តភ័ក្រ្ត បាន៣ថ្ងៃ ត្រូវម្ចាស់រកឃេីញ ចាប់ឃាត់ ខ្លួនអោយនគរបាលប៉ុស្តិ៍ទឹកថ្លា ដេីម្បីធ្វេីការសាកសួរ ។ ការឃាត់ខ្លួននេះ​ កាលពីវេលាម៉ោង១០ ខែតុលា ឆ្នាំ២០១៥នៅចំណុចក្រុម៤ ភូមិស្លែងរលេីង សង្កាត់ទឹកថ្លា ខណ្ឌសែនសុខ។

ជនសង្ស័យឈ្មោះ ញែម ណារ៉ុង ភេទប្រុស អាយុ ២៨ ឆ្នាំ មុខរបរកម្មករ ទឹកសុទ្ធ លីម៉ុន ស្នាក់ផ្ទះ ក្រោយផ្សារទឹកថ្លា ក្នុង សង្កាត់ទឹកថ្លា ខណ្ឌសែនសុខ ។ ចំណែកដេីមបណ្តឹងឈ្មោះ ស្ងួន មុនី ភេទប្រុស អាយុ ២៨ឆ្នាំ មុខរបរម្ចាស់សិប្បកម្មទឹកសុទ្ធលី ម៉ុន ស្នាក់ នៅផ្ទះលេខ ៩០២Eo ផ្លូវលំ  ភូមិកំពង់សំណាញ់ សង្កាត់កំពង់សំណាញ់  ក្រុងតាខ្មៅ ខេត្តកណ្តល ។

ប្រភពពីដេីមបណ្តឹងបានអោយដឹងថា កាលពីម៉ោង ២៣យប់ថ្ងៃទី៩ ខែតុលា ឆ្នាំ២០១៥ គាត់បានទុកម៉ូតូ មួយគ្រឿងម៉ាក SCOOPY ពណ៌ខ្មៅ សេរីឆ្នាំ២០១៥ នៅក្នុងរោងសិប្បកម្មទឹកសុទ្ធ ក្រោយមកជនសង្ស័យ  បានធ្វេីសកម្មភាពលួចយកមកបាត់ រហូតដល់វេលា ខាងលេីខ្លួនបានជួបជនសង្ស័យក៏ចាប់ឃាត់ខ្លួន អោយសមត្ថកិច្ចតែម្តង ។

នៅចំពោះមុខសមត្ថកិច្ច  ជនស្ស័យសារភាពថាខ្លួនពិតជាបានយកម៉ូតូនោះមែន តែម៉ូតូនោះត្រូវមិត្តភ័ក្រ្តម្នាក់ទៀតជិះយកទៅបាត់ហេីយ ។ក្រោយសាកសួរជនសង្ស័យត្រូវប្រគល់ អោយទៅសមត្ថកិច្ចក្រុងតាខ្មៅ ខេត្តកណ្តល ចាត់ការបន្តតាមនិតិវិធី ៕

ដោយ៖ តុង សីហា​