ភ្នំពេញ៖ យុជនម្នាក់កំពុងដឹកបងស្រីចេញពីធ្វើការត្រលប់ទៅផ្ទះនៅម្តុំច្បារអំពៅក៏ត្រូវជនសង្ស័យ៣នាក់ជិះម៉ូតូ២គ្រឿងប្រដាប់ដោយកាំភ្លឺងខ្លី១ដើមធ្វើសកម្មភាពភ្ជង់ប្លន់យកម៉ូតូម៉ាកនិច សេរី២០១៥ ពីជនរងគ្រោះបានសម្រេចរួចជិះគេចខ្លួនដោយសុវត្ថិភាព ។

ហេតុការណ៍នេះកើតនៅវេលាម៉ោង១១និង៣០នាទីថ្ងៃទី១៥ ខែតុលា ឆ្នាំ២០១៥ នៅតាមបណ្ដោយផ្លូវ ម៉ៅសេទុង ស្ថិតក្នុងសង្កាត់បឹងកេងកង៣ ខណ្ឌចំកាមន រាជធានីភ្នំពេញ ។

ជនរងគ្រោះមានឈ្មោះ ពឹង អៀវស៊ាង ភេទប្រុស អាយុ២៥ មុខរបរជាជាងកាត់សក់ ស្នាក់នៅផ្ទះនៅក្បែរសកលវិទ្យាល័យន័រតុន ស្ថិតក្នុងសង្កាត់ជ្រោយចង្វារ ។

តាមប្រភពព័ត៌មានពីជនរងគ្រោះបានអោយដឹងថានៅមុនពេលកើតហេតុរូបគេបានទៅយកបងស្រីចេញពីធ្វើការហើយបាននាំគ្នាទៅញាុំអីនៅភោជនីដ្ឋានហេបភីនេស នៅផ្លូវត្រសក់ផ្អែមបន្ទាប់ពីញាុំអីរួចខ្លួនក៏បានជូនបងស្រីទៅផ្ទះនៅម្តុំច្បារអំពៅដោយជិះម៉ូតូមួយគ្រឿងម៉ាននិច ពណ៌ស សេរី២០១៥ ពាក់ស្លាកលេខ ភ្នំពេញ1CU-5245 ដោយដឹកបងស្រីទាំង២នាក់ធ្វើដំណើរតាមបណ្តោយផ្លូវម៉ៅសេទុងក្នុងទិសដៅពី កើតទៅលិចខណៈមកដល់ចំណុចកើតហេតុខាងលើក៏លេចមុខជនសង្ស័យ៣នាក់ជិះម៉ូតូ២គ្រឿងម៉ាកMSX ពណ៌ស និង ម៉ាកFX ពណ៌ក្រហម ដោយប្រដាប់ដោយកាំភ្លាំងខ្លីមួយដើមបានមកធ្វើសកម្មភាព ជិះមកកាក់ពីមុខម៉ូតូរបស់ជនរងគ្រោះរួចដកកាំភ្លឺងភ្ជង់ប្លន់យកម៉ូតូពីជនរងគ្រោះបានសម្រេច ហើយតែចៃដន្យម៉ូតូMSXរបស់ជនសង្ស័យបានរលត់ហើយដេមិនឆះបន្ទាប់មកជនសង្ស័យបានឡើងជិះម៉ូតូជនរងគ្រោះធាក់ម៉ូតូMSXនោះដើម្បីជិះគេចខ្លួន ។ ក្រោយកើតហេតុជនរងគ្រោះបានត្រឹមតែទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលបឹងកេងកង៣ តែប៉ុណ្ណោះ ។

គួរបញ្ជាក់ថាខណ្ឌចំការមននេះល្បីជាងគេខាងចោរឆក់ ចោរប្លន់ ចោរលួច នឹងបទល្មើសផ្សេងៗ ជាងគេក្នុងខណ្ឌទាំង១២ក្នុងរាជធានីភ្នំពេញ ៕

ដោយ៖ ស រស្មី