ខេត្តឧត្តរមានជ័យ៖ លោកនាយឧត្តមសេនីយ៍ គន់ គីម សមាជិកអចិន្ត្រៃយ៍គណបក្សប្រជាជនកម្ពុជា និងជាប្រធានក្រុមការងារថ្នាក់ជាតិចុះមូលដ្ឋានខេត្តឧត្តរមានជ័យ ព្រមមន្ត្រីថ្នាក់ដឹកនាំគណបក្សប្រជាជនខេត្ត ។
នៅព្រឹកថ្ងៃទី១៧ ខែតុលា ឆ្នាំ២០១៥ បានបើកកិច្ច ប្រជុំបូកសរុបរបាយការណ៍រយៈពេល៩ខែ ឆ្នាំ២០១៥ និងលើកទិសដៅបន្ត ដែលកិច្ចប្រជុំនេះធ្វើឡើងនៅ ទីស្នាក់ការគណបក្សប្រជាជន ក្នុងទីរួមឧត្តរមានជ័យ។
នៅក្នុងឱកាសនោះបន្ទាប់ពី លោក ស ថាវី ប្រធានគណៈកម្មាធិការបក្សខេត្តបានធ្វើសេចក្តីរាយការណ៍រួច លោកនាយឧត្តមសេនីយ៍ គន់ គីម បានផ្តាំផ្ញើដល់គណៈ ពង្រឹងក្រុមការងារទាំងអស់ ត្រូវបន្តនូវសកម្មភាពប្រកបដោយផ្លែផ្កា និងវិជ្ជមាន ជាពិសេសត្រូវបន្ត ជួយអភិវឌ្ឍន៍នៅក្នុងមូលដ្ឋានរបស់ខ្លួន ដើម្បីជាសក្ខីភាពជូនប្រជាពលរដ្ឋទាំងអស់នៅក្នុងមូលដ្ឋាន ។
លោកនាយឧត្តមសេនីយ៍ គន់ គីម បានបន្តថា៖សកម្មភាពការងារនិងការផ្តល់នូវជំនឿចិត្តជូនដល់ប្រជាពលរដ្ឋ គឺជាប្រភពដ៏សំខាន់ នៃការឈានទៅរក ជោគជ័យសម្រាប់គណបក្សប្រជាជនកម្ពុជា ក្នុងការបោះឆ្នោតនាពេល ខាងមុខនេះ ៕
