ភ្នំពេញ៖ ស្រ្តីម្នាក់ជាមុខសញ្ញាចាស់ដើរលួចកាបូបនៅក្នុងផ្សារអូរឡាំពិតត្រូវសន្តិសុខផ្សារឃាត់ខ្លួនទើបប្រគល់ឲ្យសមត្ថកិច្ច។ កាលពីវេលាម៉ោង៤និង១០នាទីថ្ងៃទី២០ ខែតុលា ឆ្នាំ២០១៥ នៅចំណុចក្នុងផ្សារអូរឡាំពិត ស្ថិតក្នុងសង្កាត់អូឡាំពិក ខណ្ឌចំការមន រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យខាងលើឈ្មោះ ហេង ស្រីមុំ ភេទស្រី អាយុ២៦ឆ្នាំ មុខរបមិនពិតប្រាដក មានលំនៅស្រុកត្រាំកត់ ខេត្តតាកែវ ។ចំណែកជនរងគ្រោះមានឈ្មោះ លី លេង ភេទប្រុស អាយុ៣៥ឆ្នាំ មុខរបរលក់ការបូបនៅក្នុងផ្សារអូរឡាំពិត នៅស្នាក់ម្ដុំផ្សារអូរឡាំពិត ក្នុងសង្កាត់ផ្សារអូឡាំពិក ខណ្ឌចំការមន ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានគេបានឃើញជនសង្ស័យបានដើរចុះឡើងដោយបម្រុងធ្វើសម្មភាពលួចយកកាបូបតែត្រូវប្រជាពលរដ្ឋដែលនៅកន្លែង ដោយឃើញដូចនោះក៏នាំគ្នាស្រែកឆោឡោឡើងនិងត្រូវសន្តិសុខនៅក្នុងផ្សារអូឡាំពិកដេញចាប់ភ្លាមៗផងដែរទើបប្រគល់ឲ្យសមត្ថកិច្ច ។
បន្ទាប់ពីកើតហេតុសមត្ថកិច្ចមូលដ្ឋានបានចុះទៅដល់ចំណុចកើតហេតុនិងឃាត់ជនសង្ស័យខាងលើនិងដកហូតបានកាបូបជាច្រើន។ ក្រោយកើតហេតុជនសង្ស័យត្រូវបាននគរបាលរដ្ឋបាលប៉ុស្តិ៍អូឡាំពិក យកទៅអធិការដ្ឋាននគរបាលខណ្ឌចំការមនដើម្បីចាក់ការតាមផ្លូវច្បាប់ ៕
...
ដោយ៖ ស រស្មី
