ភ្នំពេញ៖ ហេតុការណ៍អគ្គីភ័យឆេះរោងចក្រយ៉ាងរន្ធត់បានកើតឡើងកណ្តាលអធ្រាត្រ ស្ថិតនៅម្តុំសួនវឌ្ឍនៈ សង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ។

ហេតុការណ៍នេះគេមិនទាន់ប្រាកដច្បាស់នៅឡើយថា បណ្តាលមកពីមូលហេតុអ្វី ។ រថយន្តពន្លត់អគ្គីភ័យជាច្រើនគ្រឿងបានចេញអន្តរាគមន៍ជាបន្តបន្ទាប់ ស្របជាមួយមេឃកំពុងភ្លៀងរលឹមស្រិចៗផងដែរ ប៉ុន្តែអណ្តាតភ្លើងនៅតែបន្តឆាបឆេះបន្តរហូតដល់វេលាព្រឹកព្រលឹមថ្ងៃទី១៤ ខែវិច្ឆិកា ឆ្នាំ២០១៧។

នៅមិនទាន់ដឹងថា ករណីនេះបណ្តាលឲ្យមានមនុស្សគ្រោះថ្នាក់ដល់អាយុជីវិតដែរឬយ៉ាងណាឡើយ ក្រៅពីខូចខាតទ្រព្យសម្បត្តិនៅក្នុងរោងចក្រខ្ទង់ម៉ឺនដុល្លារនោះ។

សាក្សីថា គេឃើញមានផ្សែងហ៊ុយចេញពីរោងចក្រនេះតាំងពីវេលាម៉ោង១រំលងអធ្រាត្រ ឈានចូលថ្ងៃទី១៤ ខែវិច្ឆិកា ឆ្នាំ២០១៧ ៕