ភ្នំពេញ៖ សមត្ថកិច្ចចំរុះខណ្ឌសែនសុខបានធ្វើការឃាត់ខ្លួនជនសង្ស័យ៧នាក់និងដកហូតថ្នាំញៀនចំនួន៣កញ្ចប់ខណះកំពង់ដាក់គោលដៅត្រួតពិនិត្យអាវុធជាតិផ្ទុះដើម្បីទប់ស្កាត់បទល្មើសក្នុងមូលដ្ឋាន។ កាលពីវេលាម៉ោង៧និង៣០នាទីយប់ ថ្ងៃទី២០ ខែវិច្ឆិកា ឆ្នាំ២០១៧ នៅចំណុចមុខប៉ុស្តិ៍នគរបាលរដ្ឋបាលទឹកថ្លា តាមបណ្តោយផ្លូវភ្នំពេញហាណូយ ស្ថិតក្នុងសង្កាត់ទឹកថ្លា ខណ្ឌសែនសុខ។
ប្រតិបត្តការនេះដឹកនាំដោយលោក មូវ ម៉ានិត អភិបាលនៃគណះអភិបាលខណ្ឌសែនសុខ លោក អ៊ឹម សុខុម អធិការរងខណ្ឌ តំណាងលោក វរសេនីយ៍ឯក ម៉ក់ ហុង អធិការនគរបាលខណ្ឌ និងកម្លាំងកងរាជអាវុហត្ថ និងសមត្ថកិច្ចពាក់ព័ន្ធជាច្រើននាក់ទៀត។
លោក មូវ ម៉ានិត អភិបាលខណ្ឌ បានមានប្រសាន៍ថា ការដាក់គោលដៅត្រួតពិនិត្យអាវុធជាតិផ្ទុះនេះគឺដើម្បីទប់ស្កាត់បទល្មើសដែលអាចកើតមានឡើងក្នុងមូលដ្ឋាន។ ជាលតិផលក្នុងការដាក់គោលដៅត្រួតពិនិត្យអាវុធជាតិផ្ទុះខាងលើគណៈបញ្ជាការកងឯកភាពខណ្ឌបានធ្វើការឃាត់ខ្លួនជនសង្ស័យចំនួន៧នាក់រួមទាំងថ្នាំញៀនចំនួនពីរកញ្ចប់តូចនិងមួយកញ្ចប់ធំល្មមក្នុងបីករណី បន្ទាប់ពីមានការសង្ស័យហើយក៍ហៅត្រួតពិនិត្យនិឆែកឆេ។
ករណីទីមួយឃាត់ខ្លួនជនសង្ស័យចំនួនពីនាក់
១/ឈ្មោះ ហៃ ឡាង ភេទប្រុស អាយុ២០ឆ្នាំ មុខរបរជាងដែក ស្នាក់នៅសង្កាត់កាកាប ខណ្ឌពោធិសែនជ័យ។២/ឈ្មោះ ឃុន ចាន់រស្មី ភេទប្រុស អាយុ២០ឆ្នាំ មុខរបរជាងដែក ស្នាក់នៅម្តុំកាណាឌីយ៉ា សង្កាត់ចោមចៅ ខណ្ឌពោធិសែនជ័យ។ក្នុងនោះដកហូតម៉ូតូមួយគ្រឿងម៉ាក ហុងដាឌ្រីម ពណ៌ខ្មៅ សេរី០១៥ ពាក់ស្លាកលេខភ្នំពេញ1AI-1704 បន្ទាប់ពីរឆែកឆេររកឃើញថ្នាំញៀនមួយកញ្ចប់តូច។
ករណីទីពីរឃាត់ខ្លួនជនសង្ស័យចំនួនពីរ ទីមួយមានឈ្មោះ ម៉ែន សៀន ភេទប្រុស អាយុ២២ឆ្នាំ មុខរបរកម្មកររោងចក្រ ស្នាក់នៅភូមិស្លែងរំលើង សង្កាត់ទឹកថ្លាខណ្ឌសែនសុខ។
ទីពីរមានឈ្មោះ សេរី ចំនាន ភេទប្រុស អាយុ១៧ឆ្នាំមុខរបរមិនពិតប្រាកដ ស្នាក់នៅភូមិជាមួយគ្នា។និងដកហូតម៉ូតូមួយគ្រឿងម៉ាក ស្មាក់វេវ៉ូ ពណ៌ខ្មៅ ពាក់ស្លាកលេខភ្នំពេញ 1E-9804 បន្ទាប់ពីរឆែកឆេររកឃើញថ្នាំញៀនមួយកញ្ចប់តូច។
ករណីទីបីឃាត់ខ្លួនជនសង្ស័យចំនួនបីនាក់ទី១មានឈ្មោះ អ៊ូ សុភក្រ្ត័ ភេទប្រុស អាយុ២៦ឆ្នាំ មុខរបររត់ម៉ូតូឌុប ស្នាក់នៅភូមិចុងថ្នល់ខាងកើត សង្កាត់អូបែកក្អម ខណ្ឌសែនសុខ។ទីពីរមានឈ្មោះ មិត្ត សុជាតិ ភេទប្រុស អាយុ១៨ឆ្នាំ មុខរបរកម្មករសំណង់ ស្នាក់នៅភូមិបុរី១០០ខ្នង សង្កាត់ទឹកថ្លាខណ្ឌសែនសុខ។ទីបីឈ្មោះ មិត្ត ចិន្ដា ភេទប្រុស អាយុ១៧ឆ្នាំ មុខរបរកម្មករសំណង់ ស្នាក់នៅជាមួយគ្នា។និងដកហូតម៉ូតូមួយគ្រឿងម៉ាក ហុងដាវ៉េវ ពណ៌ខ្មៅ ពាក់ស្លាកលេខភ្នំពេញ 1P-2012 បន្ទាប់ពីរឆែកឆេររកឃើញថ្នាំញៀនមួយកញ្ចប់ធំល្មម។
បច្ចុប្បន្នជនសង្ស័យទាំង៧នាក់ខាងលើរួមទាំងវត្ថុតាងត្រូវបានសមត្ថកិច្ចប៉ុស្តិ៍នគរបាលរដ្ឋបាលទឹកថ្លាកសាងសំណុំរឿងបញ្ជូនទៅអធិការដ្ឋាននគរបាលខណ្ឌសែនសុខដើម្បីរងចាំធ្វើការចាត់ការទៅតាមនិតិវិធីច្បាប់ ៕ ដោយ៖ តុង សីហា
