ខេត្តព្រៃវែង៖ បុរសម្នាក់បានស្លាប់ភ្លាមៗ ខណៈដែលចេញទៅឆក់ត្រីនៅស្រះក្បែរផ្ទះ ហើយត្រូវចរន្តភ្លើងឆក់ខ្លួនឯង កាលពីវេលាម៉ោង៩យប់ថ្ងៃទី២១ ខែតុលា ឆ្នាំ២០១៥ នៅចំណុចភូមិស្នាយបុណ្យ ឃុំជីផុច ស្រុកមេសាង ខេត្តព្រៃវែង ។
សមត្ថកិច្ចនគរបាលស្រុកមេសាងបានឲ្យដឹងថា បុរសរងគ្រោះមានឈ្មោះ អាត ថាតដ អាយុ ៣១ឆ្នាំ មានទីលំនៅភូមិស្នាយបុណ្យ ឃុំជីផុច ស្រុកមោយសាង បានយកខ្សែភ្លើង និងឧបករណ៍ឆក់ត្រី (តភ្លើង) ចេញពីខាងក្នុងផ្ទះរបស់ខ្លួនទៅឆក់ត្រីក្នុងស្រះនៅចំងាយ ប្រមាណ១០ម៉ែត្រ ពីផ្ទះហើយបានឆក់ខ្លួនឯងស្លាប់នៅនិងកន្លែងដោយមិនមានអ្នកភូមិនិងក្រុមគ្រួសាជួយសងគ្រោះបាននោះទេ។
ក្រោយពីបានទទួលព័ត៌មានពីប្រជាពលរដ្ឋ សមត្ថកិច្ចនគបាលប៉ុស្តិ៍រដ្ឋបាលបានចុះមក ដើម្បីជួយសង្គ្រោះ តែពេលទៅដល់កន្លែងជនរងគ្រោះបានបាត់បង់ជីវិតបាត់ទៅហើយ។
សមត្ថកិច្ចនគរបាលបានពិនិត្យលើសាកសព ឃើញថា ជនរងគ្រោះពិតជាបានតខ្សែភ្លើងខុសលក្ខណៈបច្ចេកទេសបណ្តាលឲ្យឆក់ខ្លួនឯងស្លាប់ពិតប្រាកដមែន។
ក្រោយពីពិនិត្យសាកសពរួច សមត្ថកិច្ចនគបាលក៏បានប្រគល់ទៅអោយក្រុមគ្រួសារយកទៅធ្វើបុណ្យតាមប្រពៃណី ៕
ដោយ៖ យឹម សុថាន
