ប៉ោយប៉ែត៖ មានរឿងភ្ញាក់ផ្អើលតាមហ្វេសបុកថា អង្ករបាំបាយក្លាយជាថង់ផ្លាស្ទិក ក៏ប៉ុន្តែរឿងភ្ញាក់ផ្អើលក្នុងករណីនេះគីជារឿងពិត បន្ទាប់ពីមានការភ្ញាក់ផ្អើលគ្រួសារមួយយកអង្ករដាំបាយ ពេលកកក្លាយជាជ័រកៅស៊ូ ។
ហេតុការណ៍នេះបានកើតឡើងកាពីព្រឹកថ្ងៃទី២៦ ខែតុលា២០១៥នៅភូមិមិត្តភាព សង្កាត់ និងក្រុងប៉ោយប៉ែត ខេត្តបន្ទាយមានជ័យ។គ្រួសារដែលយកអង្ករទៅដាំបាយពេលបាយកកប្រទះឃើញជ័រកៅស៊ូនោះមាន ប្តីឈ្មោះសយ សាមឿន អាយុ៤៧ឆ្នាំ ជាកម្មករសំណង់ ប្រពន្ធឈ្មោះជៀម សាលី អាយុ៥១ឆ្នាំ ពិការស្លាប់មួយចំហៀងខ្លួនរស់នៅក្នុងភូមិខាងលើ។ គ្រួសារខាងលើបានអះអាងថា ពួកគាត់តែងតែទិញអង្ករប្រភេទនាងខុនពីផ្សារត្រីក្នុងភូមិបាលិលេ យ្យ1 យកទៅទុកដើម្បីដាំបាយហូបតាំងពីយូរមកហើយ ។
ពួកគាត់បន្តថា កន្លងមកមិនដែលដឹងថា អង្ករដែលទិញនោះមានជាតិកៅស៊ូទេទើបតែព្រឹកនេះនៅពេលដែលឃើញបាយកក សល់ក៏យកទៅហាលស្រាប់តែប្រទះឃើញសុទ្ធតែកៅស៊ូតែម្តង។ អ្នកស្រុកបាននាំគ្នាភ្ញាក់ផ្អើលទៅចោមរោមមើលក្នុងហេតុការណ៍ដែលគ្រួសារមួយនេះយកអង្ករដាំបាយពេលបាយកកប្រទះឃើញជ័រកៅស៊ូដ៏ចម្លែកនេះ ហើយនាំគ្នារើសយកជាតិកៅស៊ូក្នុងបាយនោះដើម្បីទៅចែកគ្រួសារដ៏ទៃ ។ លោកសនមុន្នីមេភូមិមិត្តភាពបានផ្លែងថាលោកបានឃើញជាតិជ័រកៅស៊ូមែនបន្ទាប់ពីគ្រួសារយកអង្ករទៅដាំបាយហើយក្រោយពីបាយបានកក។លោកថាៈលោកបានបញ្ជូនឧ្យមន្ត្រីជម្នាញឬសមត្ថកិច្ចជម្នាញហើយព្រោះលោកមិនមែនជាមន្ត្រីជម្នាញ។ចំណែក ម្ចាស់ក្រុមហ៊ុនបោះដុំអង្ករតាមដេប៉ូ និងជាតំណាងឲ្យរោងម៉ាស៊ីនកិនស្រូវមួយបានចេញមុខបកស្រាយនៅប៉ុស្តិ៍រដ្ឋបាលនគរបាលសង្កាត់ប៉ោយប៉ែត ។
ម្ចាស់អង្ករលក់ដុំនឹងរាយមានឈ្មោះឈុន ឈិន អាយុ៣៨ឆ្នាំ ប្រពន្ធឈ្មោះបូ គឹមហួរ អាយុ៣៥ឆ្នាំ ដែលជាអ្នកតំណាងរោងម៉ាស៊ីនកិនស្រូវនិយាយថា អង្ករដែលគ្រួសារខាងលើទិញយកទៅដាំបាយពេលបាយកកប្រទះឃើញជ័រនោះតាមពិតវាជាជ័រត្បាល់ម៉ាស៊ីនកិនស្រូវ មិនមែនជារបស់អ្វីដែលបង្កឲ្យប៉ះពាល់ដល់សុខភាពឬអាយុជីវិតអ្នកទទួលទាននោះឡើយ។ប្រភពបន្តថា រោងម៉ាស៊ីនខ្នាតធំៗគេមិនប្រើប្រាស់ជ័រចំណុចត្បាល់ម៉ាស៊ីនដើម្បីរឹតឲ្យអង្កល្អ តែម៉ាស៊ីនកិនស្រូវរបស់ឪពុកគាត់ជាម៉ាស៊ីនខ្នាតមធ្យម គឺត្រូវប្រើប្រាស់ជ័រចំណុចត្បាល់ដើម្បីឲ្យអង្ករសំរ៉ូបក្លាយជាសល្អ ។
ពួកគាត់បន្តថា ជាធម្មតាម៉ាស៊ីនកិនអង្ករបាន៧ទៅ១៥ការុងត្រូវរឹតជ័រចំណុចត្បាល់ម្តង ប៉ុន្តែគាត់សង្ស័យថា ដោយកម្មករមិនយកចិត្តទុកដាក់រឹតត្បាល់តឹងពេករហូត២០ទៅ៥០ការុងរឹតម្តងទើបជ័រត្បាល់ដាច់ច្រើនធ្លាក់ចូលទៅក្នុងអង្ករតែម្ដង។ហើយគ្រួសារដែលជាដំណាងបានកាន់ដុំជ័រត្បាល់ពីម៉ាស៊ីនចំនួន២ឬ៣ដុំ និងកំទេចជ័រដែលដាច់ក្នុងម៉ាស៊ីនយកមកបង្ហាញជាភស្តុតាងផងដែរ។លោកអ៊ឹ សុភារៈនាយប៉ុស្ដ៏រដ្ឋបាលប៉ោយប៉ែតមិនអាចសំការបំភ្លឺបានឡើយព្រោះលោកប្រាប់តាមទូរសព្ទ័នៅព្រឹកថ្ងៃទី២៦ខែតុលាឆ្នាំ២០១៥នេះថាលោកជាប់រវល់ ៕
ដោយ៖ វណ្ណា
