ខេត្ដស្វាយរៀង៖ បុរសម្នាក់ត្រូវបាន សមត្ថកិច្ចនគរបាលឃាត់ខ្លួនបន្ទាប់ពី ធ្វើសកម្មភាពចូលផ្ទះអ្នកដូរលុយលួច យកលុយជាង១ពាន់ដុល្លារខណៈម្ចាស់ផ្ទះជាប់រវល់ទៅខាងក្រោយផ្ទះ។ ករណីបាន កើតឡើងកាលពីវេលាម៉ោង១២និង៣០នាទីព្រឹកថ្ងៃទី២៥ ខែតុលា ឆ្នាំ២០១៥ នៅភូមិដើមពោធិ៍ ឃុំកណ្ដៀងរាយ ស្រុកស្វាយទាប ខេត្ដស្វាយរៀង ហើយ ជនសង្ស័យត្រូវបានចាប់ខ្លួនបន្ទាប់ពីធ្វើសកម្មភាពលួច។
សមត្ថកិច្ចនគរបាលខេត្ដស្វាយរៀង បានឱ្យដឹងថា ជនសង្ស័យដែលសមត្ថ កិច្ចឃាត់ខ្លួនឈ្មោះដួង សីហា ភេទប្រុស អាយុ២៩ឆ្នាំ មានមុខរបរជាកម្មករ សំណង់ មានស្រុកកំណើត នៅភូមិស្នែ រាង ឃុំបឹងព្រះ ស្រុកបាភ្នំ ខេត្ដព្រៃវែង ខណៈមានប្រពន្ធនៅខេត្ដស្វាយរៀង ។
សមត្ថកិច្ចបន្ដថា នៅមុនពេលកើត ហេតុជនសង្ស័យខាងលើបានជិះម៉ូតូមួយគ្រឿងម៉ាកស្គូពីពណ៌សរលាយខ្មៅពាក់ ស្លាកលេខភ្នំពេញ1AW-9863មកឈប់ នៅមុខផ្ទះដូរលុយដែលមានម្ចាស់ផ្ទះ ឈ្មោះ នុត ផល្លី ភេទស្រី អាយុ៣៦ឆ្នាំ មុខរបរដូរលុយមានទីលំនៅ-ភូមិ-ឃុំ ខាងលើ។ ពេលនោះជនសង្ស័យបានចូល ទៅលួចលុយនៅក្នុងទូខណៈដែលម្ចាស់ ផ្ទះដើរទៅខាងក្រោយផ្ទះហើយនៅពេលលួចលុយនោះត្រូវបានបងប្អូនម្ចាស់ផ្ទះ ឃើញធ្វើឱ្យជនសង្ស័យស្ទុះរត់ឡើងជិះ ម៉ូតូគេចខ្លួន។ គ្រានោះត្រូវបានអ្នកជិត ខាងរាយការណ៏ទៅសមត្ថកិច្ចមូលដ្ឋាន ព្រមទាំងជិះម៉ូតូដេញតាមពីក្រោយធ្វើឱ្យជនសង្ស័យភ័យក៏ផ្ដួលម៉ូតូចោលរត់ ធ្លាក់ប្រឡាយត្រូវប្រជាពលរដ្ឋចាប់ប្រគល់ ឱ្យសមត្ថកិច្ចតែម្ដង។
ជាមួយការចាប់ខ្លួនជនសង្ស័យសមត្ថកិច្ចបានដកហូតម៉ូតូជនសង្ស័យដែលជិះធ្វើសម្មភាពនិងដកហូតលុយរបស់ជនសង្ស័យចំនួន២០ដុល្លារនិងដកហូត លុយរបស់ស្ដ្រីរងគ្រោះមានប្រាក់ដុង ១.៧០០.០០០ដុង, លុយដុល្លារចំនួន ៧០០ដុល្លារ និងប្រាក់រៀល៣លានរៀល។
នគរបាលបញ្ជាក់ថា នៅព្រឹកថ្ងៃទី ២៦ ខែតុលា ឆ្នាំ២០១៥ ជនសង្ស័យត្រូវ បានសមត្ថកិច្ចកសាងសំណុំរឿងបញ្ជូន ទៅតុលាការរីឯលុយដែលសមត្ថកិច្ចដកហូតពីជនសង្ស័យបានប្រគល់ឱ្យម្ចាស់ផ្ទះវិញហើយដែរ ៕
ដោយ៖ យឹម សុថាន
