ខេត្ដរតនគិរី៖ នៅព្រឹកថ្ងៃទី២៥ ខែ តុលា ឆ្នាំ២០១៥ អាជ្ញាធរខេត្ដរតនគិរី និងមន្ដ្រីពាក់ព័ន្ធមួយចំនួនទៀតបាន រៀបចំពិធីប្រណាំងទូកនៅលើផ្ទៃទឹកបឹង កន្សែង ស្ថិតនៅក្នុងក្រុងបានលុង ខេត្ដ រតនគិរី។
ក្នុងពិធីប្រណាំងទូកងរនេះធ្វើឡើង ក្រោមអធិតីភាពលោក ប៊ូ ថង ប្រធាន គណៈកម្មាធិការទី៤នៃព្រឹទ្ធសភាលោក ថង សាវុន អភិបាលខេត្ដរតនគិរីនិង លោកឧត្ដមសេនីយ៍ គឹម រស្មី មេបញ្ជា ការកងរាជអាវុធហត្ថខេត្ដនិងមន្ដ្រីរាជ ការ ព្រមទាំងប្រជាពលរដ្ឋជាច្រើនទៀត។
នៅក្នុងពិធីប្រណាំងទូកងរខាងលើនេះ អាជ្ញាធរបានប្រាប់អ្នកយកព័ត៌មានថា នេះជាការហ្វឹកហាត់ដល់ក្រុមកីឡាករ ទូកងរមុននឹងចេញទៅប្រគូតប្រជែងនៅ ខេត្ដស្វាយរៀងលើផ្ទៃទឹកនៃទន្លេវ៉ៃគោ នាព្រឹកថ្ងៃទី១ ខែវិច្ឆកា ឆ្នាំ២០១៥ ខាង មុខនេះក្រោមការផ្ដួចផ្ដើមរបស់កងរាជ អាវុធទូទាំងប្រទេសកម្ពុជាដែលដឹកនាំ ដោយនាយឧត្ដមសេនីយ៍ សៅ សុខា អគ្គ មេបញ្ជាការរងកងយុទ្ធពលខេមរភូមិន្ទ និងជាមេបញ្ជាការកងរាជអាវុធហត្ថ លើផ្ទៃប្រទេស។
លោកឧត្ដមសេនីយ៍ត្រី គឹម រស្មី មេ បញ្ជាការកងរាជអាវុធហត្ថខេត្ដរតនគិរី បានឱ្យដឹងថា ទូកងរដែលបានអ៊ុំប្រណាំង នៅថ្ងៃនេះមានចំនួន២ទូកគឺជាទូកងរ របស់កងរាជអាវុធហត្ថខេត្ដរតនគិរី ដោយបានឧបត្ថម្ភពីរូបលោកផ្ទាល់តែ ម្ដង។ ទូកងរទី១មានឈ្មោះ រតនតេជោ សែនជ័យបារមីតាជួង និងទី២ឈ្មោះ យុវ ជនតេជោសែនជ័យបារមីរស្មីឦសាន្ដ។ លោកឧត្ដមសេនីយ៍បានបញ្ជាក់ថា ទូក ងរទី១ឈ្មោះ រតនតេជោសែនជ័យបារមី តាជួង ជាទូកងរចាស់បន្សល់យូរមក ហើយ ចំណែកទូកងរឈ្មោះ យុវជន តេជោសែនជ័យបារមីរស្មីឦសាន្ដ ជាទូក ងរថ្មី បានធ្វើឡើងទើបតែមានរយះពេល ២ខែប៉ុណ្ណោះជាទូកងរខ្នាតអន្ដរជាតិ ចំណុះអ្នកអ៊ុំ២២នាក់។
លោកឧត្ដមសេនីយ៍បានបញ្ជាក់ថា លោកនឹងខិតខំអភិរក្សរក្សាពិធីប្រណាំង ទូកងរនេះឱ្យបានខ្ជាប់ខ្ជួននិងគង់វង្សព្រោះពិធីប្រណាំងទូកងរគឺជាប្រពៃណីខ្មែរយើង បានប្រារឰធ្វើឡើងជាយូរលង់ណាស់មក ហើយៗសន្យាថានៅឆ្នាំក្រោយៗនឹង មានការប្រណាំងទូកងរចំនួន១០គ្រឿង នៅលើផ្ទៃទឹកបឹងកន្សែងដើម្បីប្រកួត ប្រជែង។
លោក ថង សាវុន អភិបាលនៃខណៈ អភិបាលខេត្ដរតនគិរីដែលបានចូលរួម នៅក្នុងពិធីប្រណាំងទូកងរខាងលើនេះក៏ បានជួយឧបត្ថម្ភជាថវិកាដល់កីឡាករ ទូកងរទាំង២ទូកដោយក្នុងមួយទូកៗចំនួន ៥០ម៉ឺនរឿលផងដែរ។
ប្រជាពលរដ្ឋដែលចូលរួមទស្សនា ការប្រណាំងទូកងរនិងជាការកំដៅសាច់ ដុំរបស់ក្រុមកីឡាករមុនការប្រគួតប្រ ជែងនៅទន្លេងវ៉ៃគោក្នុងខេត្ដស្វាយរៀង បានសម្ដែងការសប្បាយរីករាយយ៉ាង ខ្លាំងនិងបានចាត់ទុកថានេះជាលើកទី១ ហើយក្នុងប្រវត្ដិសាស្ដ្រដែលខេត្ដរតនគិរី បានរៀបចំពិធីប្រណាំងទូកងរនៅលើផ្ទៃ ទឹកបឹងកន្សែងដែលជាបឹងធម្មជាតិរបស់ បងប្អូនជនជាតិដើមភាគតិច ៕
ដោយ៖ អ៊ុច សាវុទ្ធ
