ភ្នំពេញ៖ ជនសង្ស័យម្នាក់បានធ្វើសកម្មភាពលួចយកម៉ូតូកង់៣បានសម្រេចហើយតែរត់មិនរួច ត្រូវបានប្រពលរដ្នចាប់បាននាំគ្នាព្រួវាយទើបប្រគល់ឱ្យសមត្ថកិច្ចប៉ុស្តិ៍ទន្លេបាសាក់ ។ ហេតុការណ៍នេះកើតឡើងកាលពីវេលាម៉ោង៣ រសៀលថ្ងៃ អង្គារ ២កើត ខែបុស្ស ឆ្នាំ រកា នព្វស័ក ព.ស ២៥៦១ ត្រូវនឹងថ្ងៃទី១៩ខែធ្នូ ឆ្នាំ២០១៧ នៅចំណុចមុខស្ពានភ្លុះ កោះពេជ្រ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនរងគ្រោះមានឈ្មោះ សៀន វ៉ា អាយុ៤០ឆ្នាំ មុខរបររត់ម៉ូតូកង់៣ មានស្រុកកំណើតនៅស្វាយរៀង ។ ចំណែកជនសង្ស័យត្រូវបានសមត្ថកិច្ចយកទៅពេទ្យផងដែរមិនទាន់ស្គាល់អត្តិសញ្ញានៅឡើងទេ។
ប្រភពពត័មានពីសមត្ថកិច្ចដដែលបានបន្តប្រាប់អោយដឹងទៀតថា មុនពេលឈានដល់ការឃាត់ខ្លួនជនសង្ស័យខាង លើនេះ ជនសង្ស័យបានដើរចុះឡើងខណះមកដល់ចំណុចកើតហេតុខាងលើក៏បានធ្វើសកម្មភាពលួចយកម៉ូតូកង់ ៣ មួយគ្រឿងបានសម្រេចហើយ ខណៈជិះចូលក្នុងកោះពេជ្រ ត្រូវបានប្រពលរដ្នឃើញទាន់ភ្លាមៗនោះជនសង្ស័យក៏ បានទុកម៉ូតូកង់៣ហើយបានលោតទឹកនៅក្រោយកោះពេជ្រផងដែរហើយក៏ត្រូវប្រជាពលរដ្នចុះទៅចាប់បាននាំគ្នាព្រួវាយទើបប្រគល់ឱ្យសមត្ថកិច្ចប៉ុស្តិ៍ទន្លេបាសាក់។
បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌចំការមន ដើម្បីកសាងសំណុំរឿងចាត់ការតាមនីតិវិធី។ រីឯម៉ូតូរបស់ជនរងគ្រោះត្រូវបានប្រគល់អោយម្ចាស់ទៅវិញផងដែរ ៕ ស រស្មី
