ភ្នំពេញ៖ ជនសង្ស័យម្នាក់ត្រូវជនរងគ្រោះចាប់ប្រគល់ឱ្យសមត្ថកិច្ចប៉ុស្តិ៍នគរបាលវាលវង់ឃាត់ខ្លួនពាក់ព័ន្ធនិងករណីរំលោភលើទំនុកចិត្តដោយខ្ចីម៉ូតូពីជនរងគ្រោះយកទៅបញ្ចាំក្នុតំម្លៃ៥០០ដុល្លា ហេតុកាលឃាត់ខ្លួនជនសង្ស័យខាងលើនេះ ។
កាលពីវេលាម៉ោង១២និង៣០នាទីថ្ងៃទី២៥ខែតុលាឆ្នាំ២០១៥ នៅចំណុចហាងការហ្វេរ៉ូមែនទិចនៅម្ដុំទួលគោកផ្លូវលេខ១៧០ស្ថិតក្នុងសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ។
ជនសង្ស័យខាងលើត្រូវគេឲ្យដឹងថា មានឈ្មោះ សាត សំណាង ហៅឡុង សំណាង ភេទប្រុស អាយុ៣៣ឆ្នាំ មុនរបរជាអ្នកចម្រៀង មានទីលំនៅផ្ទះជួលក្នុងសង្កាត់ទួសង្កែ ខណ្ឌឬស្សីកែវ រាជធានីភ្នំពេញ។ ជនរងគ្រោះមានឈ្មោះ អ៊ិន សម្ផស្ស ភេទប្រុស អាយុ២៤ឆ្នាំ មុខរបរជាអ្នកនិពន្ធបទចម្រៀងនៅផលិតកម្មM ស្នាក់នៅផ្ទះលេខ៥៤អឺ០ផ្លូវលេខ៣៥ក្រុម៥៣ក្នុងសង្តាត់បឹងកេងកងទី៣ ខណ្ឌចំការមន រាជធានីភ្នំពេញ។
តាមប្រភពព័ត៌មានពីជនរងគ្រោះបានអោយដឹងថានៅមុនពេលកើតហេតុ កាលពីម៉ោង១១និង៣០នាទីថ្ងៃទី២៤ ខែតុលា ឆ្នាំ២០១៥ នៅចំណុចផ្ទះលេខ1CE ផ្លូវ១៣៤ ក្រុម១២ ក្នុងសង្កាត់វាលវង់ ខណ្ឌ៧មករា។ជនសង្ស័យបានខ្ចីម៉ូតូ១គ្រឿងម៉ាក C125 ពណ៍ខ្មៅពីជនរងគ្រោះថាខ្ចីទៅយកឥវ៉ានមួយភ្លឺពេលនោះស្រាប់តែជនសង្ស័យខាងលើបានលួចយកម៉ូតូទៅបាត់តែមង្ដ។លុះមកដល់ថ្ងៃទី២៥ខែតុលាឆ្នាំ២០១៥ម៉ោង១២និង៣០នាទីជនសង្ស័យក៏ត្រូវជនរងគ្រោះចាប់ឃាត់ខ្លួនរួចប្រគល់ឱ្យសមត្ថកិច្ចប៉ុស្តិ៍ នគរបាលរដ្នបាលវាលវង់តែមង្ត។ក្រោយពីការសាកសួរសង្ស័យបានឆ្លើយសារភាពថាខ្លួនពិតជាបានយកម៉ូតូរបស់ជនរងគ្រោះយកទៅបញ្ចាំនៅម្ដុំឃ្លាំងរំសេវបានប្រាក់៥០០ដុល្លាពិតប្រាដកមែន។
បច្ចុប្បន្នជនសង្ស័យត្រូវបានកម្លាំងសមត្ថកិច្ចនាំយកមកឃុំខ្លួនបណ្ដោះអាសន្ននៅអធិការដ្នាននគរបាលខណ្ឌ៧មករាដើម្បីកសាងសំណុំរឿងបញ្ជូនខ្លួនទៅសាលាដំបូង ចាត់ការតាមនីតិវិធីច្បាប់ ៕
ដោយ៖ ស រស្មី
