ខេត្ដត្បូងឃ្មុំ៖ នាយខណ្ឌរដ្ឋបាលជល ផលខេត្ដត្បូងឃ្មុំ គឺលោក យ៉ុង រី ត្រូវក្រុម ប្រជាពលរដ្ឋរស់នៅក្នុងឃុំទន្លេបិទស្រុកខេត្ដត្បូងឃ្មុំរិះគន់ចំៗថា បានបើកដៃ ឱ្យមានការប្រព្រឹត្ដបទល្មើសនេសាទនៅតាមព្រែកជីកដូនម៉ៅ ។
ក្រុមប្រជាពលរដ្ឋបាននិយាយថា ដៃមងវែងៗ ដែលជាឧបករណ៍នេសាទ ហាមឃាត់ត្រូវគេដាក់កាត់មាត់ព្រែក និងពង្រាយប្រមាណជា១០មាត់នៅតាមបណ្ដោយព្រែកជីកដូនម៉ៅ ដោយដៃ មងទាំងនោះបានចាប់យកពូជត្រីស្ទើរតែទាំងអស់ ។
សូមបញ្ជាក់ថា ឧបករណ៍ដៃមងនេះ ត្រូវបានគេចាត់ទុកថា ជាឧបករណ៍ នេសាទខុសច្បាប់ និងត្រូវបានហាម ឃាត់ប្រើប្រាស់ ទោះជារដូវបិទ ឬបើក នេសាទក៏ដោយ ព្រោះតែវាជាឧបករណ៍ ដែលចាប់យកមច្ឆជាតិស្ទើរតែទាំងអស់មិនថា តូច ឬធំនោះទេ ។
ចំពោះការបណ្ដោយឱ្យមានការប្រើ ប្រាស់ឧបករណ៍នេសាទខុសច្បាប់ នៅ ក្នុងព្រែកជីកដូនម៉ៅនេះ ត្រូវបានប្រភព ឈ្មួញម្នាក់បង្ហើបថា ពួកគេក៏បានបង់ ប្រាក់ទៅឱ្យលោកនាយខណ្ឌរដ្ឋបាលជលផលខេត្ដត្បូងឃ្មុំសម្រាប់មួយរដូវនេះ ក្នុងមួយមាត់១០០ដុល្លារ ហើយដៃមង របស់ពួកគេមានទាំងអស់ប្រមាណ១០ ដែលដាក់នៅក្នុងព្រែកនេះ ។
លោក យ៉ុង រី នាយខណ្ឌរដ្ឋបាលជល ផលខេត្ដត្បូងឃ្មុំមិនអាចសុំការបំភ្លឺ អំពីបញ្ហានេះបានទេ ដោយលោកមាន ប្រសាសន៍ថា ពេលនេះលោកកំពុង រវល់ប្រជុំ ។
ករណីកើតមានបទល្មើសនេសាទនៅតំបន់ព្រែកជីកដូនម៉ៅត្រូវមើលគេ ឃើញថា មានសភាពជាចំហដោយមិន ខ្លាចរអាសមត្ថកិច្ចនោះឡើយ ។ គេធ្លាប់ ឃើញមន្ដ្រីជលផលនៅទីនោះដែរ តែ បទល្មើសនៅ តែកើតមានជាដដែល ៕
ដោយ៖ ហេង នរិន្ទ្រ
