ខេត្តព្រះវិហារ ៖ រថយន្តមួយគ្រឿងបានក្រឡាប់នៅចំណុចផ្លូវកោងក្បាលដំរី បណ្តាលអោយអ្នកបើកស្លាប់ ភ្លាមៗនៅកន្លែងកើតហេតុ កាលពីវេលាម៉ោង២ និង៣៥នាទី រសៀលថ្ងៃអង្គារ ៩កើត ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៦ ខែ ធ្នូ ឆ្នាំ ២០១៧ ស្ថិតក្នុងភូមិដងផ្លិត ឃុំឆែបពី ស្រុកឆែប ខេត្តព្រះវិហារ ។
សមត្ថកិច្ចបានអោយដឹងថា សពត្រូវបានស្គាល់ឈ្មោះ ភូ ខាំហួង ភេទប្រុស អាយុ២៥ឆ្នាំ រស់នៅភូមិកំពង់ស្រឡៅ ឃុំកំពង់ស្រឡៅ១ ស្រុកឆែប ខេត្តព្រះវិហារ ធ្វើដំណើរដោយរថយន្តម៉ាកតាកូម៉ាពណ៌ខ្មៅ ស្លាកលេខ ភ្នំពេញ ២M-៣៧២២។
ប្រភពពីសាក្សីបានឃើញហេតុការណ៍មុនកើតហេតុអោយ ដឹងថា ជនរងគ្រោះ បើកក្នុងទិសដៅពីលិចទៅកើត ក្នុងល្បឿនលឿន ស្ថានភាពបាត់ម្ចាស់ការ ។ លុះមកដល់ផ្លូវកោងយកចង្កូតមិនទាន់ បានរេចង្កូតចូលប្រឡាយបណ្ដាលអោយបុកទង្គិចជាមួយចង្កូតរថយន្តរបួសក្បាលយ៉ាងធ្ងន់ធ្ងរស្លាប់ភ្លាមៗនៅកន្លែងកើតហេតុ។
ក្រោយកើតហេតុ កម្លាំងជំនាញបានធ្វើកំណត់ហេតុនិងបានប្រគល់រថយន្ត និងសពជនរងគ្រោះជូនទៅបងប្អូនសាច់ញាតិ ដើម្បីយកទៅធ្វើបុណ្យតាមប្រពៃណី៕ វណ្ណៈ
