នៅក្នុងសេចក្ដីប្រកាសកាលពីថ្ងៃទី២៦ ខែតុលា ក្រោយជំនួបពិភាក្សារវាងប្រធា នាធិបតីអាមេរិកលោក បារ៉ាក់ អូបាម៉ា នឹងសមភាគីឥណ្ឌូនេស៊ីលោក Joko widodo នៅសេតវិមាន មេដឹកនាំទាំង ពីរសន្យាពង្រឹងទំនាក់ទំនងដៃគូជាទ្រង់ ទ្រាយរវាងអាមេរិកនឹងឥណ្ឌូនេស៊ី ។ ក្នុង កិច្ចសហប្រតិបត្ដិការនោះមាន វិស័យ សេដ្ឋកិច្ចថាមពល បម្រែបម្រួលអាកាស ធាតុ និងប្រឆាំងក្រុមភេរវកម្មជាដើម។
ប្រធានាធិតបីអូបាម៉ាបញ្ជាក់ថា“អាមេរិកបានយកចិត្ដទុកដាក់យ៉ាងខ្លាំងទៅ លើប្រទេសជាដៃគូឥណ្ឌូនេស៊ី ហើយ ជំនួបពិភាក្សាលើកនេះនឹងធ្វើឱ្យទំនាក់ ទំនងកាន់តែប្រសើរជាងនេះថែមទៀត ។
ដំណើរទស្សនកិច្ចទៅកាន់អាមេរិក របស់ប្រធានាធិបតីឥណ្ឌូនេស៊ីលោក Joko widodo គឺជាលើកទី១ហើយ ចាប់តាំង ពីលោកឡើងកាន់តំណែងជាប្រធានាធិ បតីអាមេរិកមក ។ លោកបំពេញទស្សន កិច្ចទៅកាន់ទីក្រុងវ៉ាស៊ីនតោនក្នុងរយៈ ពេល៥ថ្ងៃ ។ លោកវីដូដូបានអំពាវនាវ ដល់អាមេរិកបង្កើតការវិនិយោគចូលទៅ កាន់ប្រទេសរបស់លោកដើម្បីជួយពង្រឹង សេដ្ឋកិច្ចឱ្យកាន់តែប្រសើរថែមទៀត ។ ប៉ុន្ដែដំណើរទស្សនកិច្ចរបស់លោកត្រូវ ត្រឡប់មកកាន់ប្រទេសវិញមុនកំណត់ ដើម្បីដោះស្រាយផ្សែងអ័ព្ទបណ្ដាលមកពីភ្លើងឆេះព្រៃធ្វើឱ្យសាលារៀន និងទីតាំង ជាច្រើនត្រូវបិទទ្វារ ។
ដំណើរទស្សនកិច្ចរបស់ប្រធានាធិបតី widodo កើតឡើងក្នុងពេលដែលទំនាក់ ទំនងពាណិជ្ជកម្មរបស់ឥណ្ឌូនេស៊ី និង អាមេរិកមានត្រឹមតែ២៨ពាន់លាន ដុល្លារប៉ុណ្ណោះ កាលពីឆ្នាំ២០១៤ ។ ការវិនិយោគប៉ុណ្ណោះមិនស័ក្ដិសមទៅ នឹងប្រទេសដែលមានសេដ្ឋកិច្ចធំទីមួយ នៅលើពិភពលោក អាមេរិក និងប្រទេស មានសេដ្ឋកិច្ចធំបំផុតនៅតំបន់អាស៊ាន ទេ ៕
ប្រែសម្រួល៖ ម៉ែវ សាធី
