ភ្នំពេញ៖ បក្ខពួកក្រុមក្មេងទំនើងម្នាក់ក្នុងចំណោមគ្នាជិត១០នាក់ដែលប្រដាប់ដោយពូថៅ និងកាំបិតសាំម៉ូរ៉ៃគ្រប់ដៃត្រូវបានកម្លាំងសមត្ថកិច្ចខណ្ឌចំការមនឃាត់ខ្លួនយកមកប្រគល់ជូនសមត្ថកិច្ចប៉ុស្ត៍ចតុមុខបន្ទាប់ពីក្រុមក្មេងទំនើងទាំងនោះចុលក្លឹបផឹកស៊ីមើលមុខឌឺដងគ្នាពេលចេញមកវិញតាមកាប់កំទេចម៉ូតូនារីម្នាក់ណ្តាលឲ្យខូចខាតហើយព្យាយាមគេចខ្លួនតែគេចមិនរួចទាំងអស់គ្នាពីព្រោះតែនារីរងគ្រោះបើកម៉ូតូដេញតាមបានប៉ូលិសជួយអត្តរាគមន៍ចាប់ឃាត់បានម្នាក់ ។
ហេតុការណ៍នោះបានកើតឡើងកាលពីវេលាម៉ោង១និង៥0នាទីរំលងអធ្រាត្រ ឈានចូលថ្ងៃទី២៩ ខែតុលា ឆ្នាំ២០១៥ នៅចណុចមុខសួនទ្រីមលែនឌ៍ ផ្លូវសុរាម្រិត សង្កាត់ចតុមុខ ខណ្ឌដូនពេញ ។
សមត្ថកិច្ចបានឲ្យដឹងថា ជនដៃដល់ដែលឃាត់ខ្លួនបានម្នាក់នេះឈ្មោះលឹម ហុកសែ ភេទប្រុស អាយុ២៨ឆ្នាំ ស្នាក់នៅផ្ទះលេខ១៥Eo ភូមិទួលរការ សង្កាត់ចាក់អង្រែក្រោម ខណ្ឌមានជ័យ ត្រូវបានដកហូតម៉ូតូមួយគ្រឿងម៉ាក C១២៥ ពណ៌ខ្មៅ សេរី២០១៥ ពាក់ស្លាកលេខ ភ្នំពេញ ១DC ២៧១៦ ។ ចំណែកបក្ខពួកពួក៦នាក់ទៀតគេចខ្លួនបាត់អស់ ។
សមត្ថកិច្ចបានបន្តទៀតថា ចំណែកជនរងគ្រោះ ឈ្មោះឡុង កញ្ញា ភេទស្រី អាយុ១៧ឆ្នាំមុខរបរសិស្សសាលាសុវណ្ណភូមិ ស្នាក់នៅភូមិក្រាំអង្រង សង្កាត់ក្រាំងធ្នង់ ខណ្ឌពោធិសែនជ័យ ខូចខាតម៉ូតូ១គ្រឿងម៉ាកនិច ពណ៌ក្រហមលាយខ្មៅ ពាក់ស្លាកលេខ ភ្នំពេញ ១CD ៩៨៨១ ។
សមត្ថកិច្ចបានបន្តទៀតថា នៅមុនពេលកើតហេតុ រវាងក្រុមជនរងគ្រោះ និងក្រុមជនដៃដល់បានចូលផឹកស៊ីនៅក្លឹបថប ហើយពេលផឹកស៊ីនោះ ពួកគេបានមើលមុខគ្នាឌឺដងដាក់គ្នាចុះឡើង ក៏ក្រុមជនរងគ្រោះគិតលុយចេញពីក្លឹប ក៏ត្រូវក្រុមម្ខាងទៀតចេញតាមដោយពួកគេប្រដាប់ដោយពូថៅ និងកាំបិតសាំម៉ូរ៉ៃដេញតាមកាប់ជនរងគ្រោះនៅចំណុចកើតហេតុខាងមុខសួនទ្រីមលែនឌ៍បណ្តាលឲ្យខូចខាតម៉ូតូម៉ាកនិចរបស់នារីរងគ្រោះហើយនោះពួកជនដៃដល់បានបើកម៉ូតគេចខ្លួនពេលនោះនារីរងគ្រោះក៏លើកម៉ូតូដែលជនល្មើសកាប់ខូចខាតស្តប់និងកែបនោះបើកដេញតាមជនល្មើសរហូតដល់ម្តុំផ្សារបឹងត្របែកដោយស្រែកឆោឡោពេលនោះក៏ត្រូវបានកម្លាំងសមត្ថកិច្ចខណ្ឌចំការមនជួយអន្តរាគមន៍ចាប់ជនដៃដល់រូបនោះនាំខ្លួនយកមកប្រគល់ជូនសមត្ថកិច្ចប៉ុស្ត៍ចតុមុខខណ្ឌដូនពេញដើម្បីចាត់ការតាមផ្លូវច្បាប់ ។ ចំណែកបក្ខពួកដែលនៅសេសសលកំពុងតាមចាប់ខ្លួនបន្តទៀត ៕
ដោយ៖ ព្រែកជ័យ
