ភ្នំពេញ៖ ក្រុមភ្នំពេញ ក្រោន បានឈរចាំជាស្រេចនៅវគ្គផ្ដាច់ព្រ័ត្រ ក្នុងកម្មវិធីប្រកួតពានរង្វាន់បាល់ទាត់ ជើងឯកលីកកំពូលកម្ពុជាឆ្នាំ២០១៥ ក្រោយយកឈ្នះក្រុមខេមបូឌានថាយហ្គឺរក្នុងជំនួបការប្រកួតវគ្គពាក់កណ្ដាលផ្ដាច់ព្រ័ត្រជើងទីពីរក្នុងលទ្ធផល ២-១ លើ ទីលានកីឡដ្ឋានវេស្ទើនកាលពីរសៀល ថ្ងៃទី២៨ ខែតុលា ឆ្នាំ២០១៥កន្លងទៅ ។
ចំពោះសកម្មភាពប្រកួតរវាងក្រុមភ្នំពេញក្រោននឹងក្រុមខេមបូឌានថាយហ្គឺរត្រូវទស្សនិកជនមើលឃើញថា ភ្នំពេញក្រោនបានវាយសម្រុកចាប់តាំងពីវិនាទីដំបូងដើមតង់ទី១រហូតធ្វើបាន សម្រេចលើក្រុមខេមបូឌានថាយហ្គឺរ នៅនាទីទី១៣ ដោយខ្សែការពារឈ្មោះ Odion Anthony Obadin ។
ក្រុមការពារតំណែងជើងឯកឆ្នាំចាស់មួយនេះនៅតែបន្ដដាក់សម្ពាធលើក្រុមខេមបូឌានថាយហ្គឺររហូតរកបានមួយ គ្រាប់បន្ថែមទៀតនៅនាទីទី២៣ដោយ កីឡាករឈ្មោះ Booysen Shane ។ ចប់ តង់ទី១ក្រុមភ្នំពេញក្រោនបាននាំមុខ ក្រុមខេមបូឌានថាយហ្គឺរ ២-០ ។
សម្រាប់ការប្រកួតតង់ទី២ក្រុមខេមបូឌានថាយហ្គឺរបានព្យាយាមវាយបក ទៅលើក្រុមនេះភ្នំពេញក្រោនវិញហើយក៏មានឱកាសបណ្ដើរបាល់ចូលតំបន់ គ្រោះថ្នាក់របស់ភ្នំពេញក្រោន២ទៅ៣ លើកដែរទីបញ្ចប់ក្រុមធ្វើបានសម្រេច ទៅលើក្រុមភ្នំពេញក្រោនវិញនៅនាទីទី៨៧ដោយកីឡាករពាក់អាវលេខ៩ Privat ។ ចំណែកភ្នំពេញក្រោនបានព្យា យាមទប់ការពារនិងវាយបក ប៉ុន្ដែនៅ តែមិនអាចស្វែងរកគ្រាប់បាល់បន្ថែម បានចប់ការប្រកួតភ្នំពេញក្រោនឈ្នះ ខេមបូឌានថាយហ្គឺរជើងទី២ដោយលទ្ធ ផល ២-១ ។
គួររំលឹកថា ក្រុមភ្នំពេញក្រោនបាន ឡើងទៅលេងវគ្គផ្ដាច់ព្រ័ត្រសម្រាប់ ពានរង្វាន់លីកបាល់ទាត់កំពូលកម្ពុជា រដូវកាល២០១៥ បន្ទាប់ពីយកឈ្នះខេម បូឌានថាយហ្គឺរទាំងជើងទី១និងជើងទី២ សរុបលទ្ធផល ៦-២។ ដូច្នេះភ្នំពេញ ក្រោនរង់ចាំក្រុមណាហ្គាវើលប៉ះគ្នាជា មួយក្រុមបឹងកេតអង្គរនាថ្ងៃទី៧ ខែវិច្ឆិកា ឆ្នាំ២០១៥៕
ដោយ៖ សារីម
