ខេត្ដបន្ទាយមានជ័យ៖ ពលករខ្មែរ ប្រុសស្រី៧៣នាក់ធ្វើដំណើរតាមរថយន្ដតាក់ស៊ីជិត១០គ្រឿងមកពីខេត្ដបន្ទាយ មានជ័យ ខេត្ដកំពង់ធំ ខេត្ដសៀមរាប និងខេត្ដបាត់ដំបងបម្រុងចេញឆ្លងដែន ទាំងប្រថុយប្រថានខុសច្បាប់តាមច្រក របៀងក្នុងភូមិសាស្ដ្រស្រុកសំពៅលូន ខេត្ដបាត់ដំបងទៅរកការងារធ្វើនៅប្រទេសថៃត្រូវបាននគរបាលការិយាល័យប្រឆាំងការជួញដូរមនុស្សនិងការពារអនីតិជន ខេត្ដសហការជាមួយនគរបាលប៉ុស្ដិ៍ឃុំ បឹងបេងឃាត់ដំណើរមិនឱ្យពលករទាំង នោះធ្វើដំណើរបន្ដទៅមុខទៀតឡើយ ។
ការទប់ស្កាត់ពលករខាងលើសមត្ថ កិច្ចចម្រុះបានធ្វើឡើងអស់រយៈពេល៥ ថ្ងៃជាបន្ដបន្ទាប់ស្ថិតក្នុងភូមិសាស្ដ្រស្រុកម៉ាឡៃ ហើយថ្ងៃចុងក្រោយគឺថ្ងៃទី២៨ ខែតុលា ឆ្នាំ២០១៥ ទប់ស្កាត់បានពលករ ២២នាក់ ខណៈដែលពួកគេកំពុងតែជិះ រថយន្ដបម្រុងឆ្លងកាត់ស្រុកម៉ាឡៃឆ្ពោះ ទៅស្រុកសំពៅលូន ខេត្ដបាត់ដំបង ។
ការទប់ស្កាត់ពលករខ្មែរបម្រុងឆ្លង ដែនខុសច្បាប់ពីសំណាក់សមត្ថកិច្ចខេត្ដ បន្ទាយមានជ័យ គ្រាដែលគេមើលឃើញ ថាក្រោយពីថ្ងៃបុណ្យភ្ជុំបិណ្ឌត្រូវបានបញ្ចប់គឺមានពលករខ្មែរជាច្រើននាក់កំពុងតែ ធ្វើដំណើរមកពីបណ្ដាខេត្ដនានានៅក្នុង ប្រទេសកម្ពុជាឆ្លងកាត់ខេត្ដបន្ទាយមានជ័យដើម្បីសម្រុកចេញពីមាតុប្រទេស ទៅធ្វើការងារនៅក្នុងប្រទេសថៃ ។
ការឆ្លងដែនរបស់ពលករខ្មែរតាម ច្រករបៀងខុសច្បាប់នេះត្រូវគេនិយាយថា ពលករទាំងនោះអាចនឹងប្រឈម បញ្ហាគ្រោះថ្នាក់ដល់អាយុជីវិតដោយ ប្រការផ្សេងៗដូចជាត្រូវទាហានថៃបាញ់សម្លាប់ និងចាប់ដាក់គុកធ្វើទារុណកម្ម ចាញ់បោកមេខ្យល់កេងកម្លាំងពលកម្ម និងការជួញដូរមនុស្សទៅប្រទេសទី៣ និងជិះរថយន្ដរត់គេចពីតម្រួតថៃដែល អាចជួបគ្រោះថ្នាក់ចរាចរណ៍បង្កគ្រោះ ថ្នាក់ដល់អាយុជីវិតជាដើម ។ បញ្ហា ប្រឈមទាំងនេះកន្លងមកមានសេចក្ដី រាយការណ៍ឱ្យដឹងថា ពលករខ្មែរទៅរក ការងារធ្វើនៅប្រទេសថៃខុសច្បាប់ក៏ ធ្លាប់បានរងគ្រោះជាបន្ដបន្ទាប់រួចមក ហើយដែរ ។
លោកវរសេនីយ៍ត្រី ឡាយ គឹមលួន នាយការិយាល័យនគរបាលប្រឆាំងការ ជួញដូរមនុស្សនិងការពារអនីតិជនខេត្ដ ប្រាប់ឱ្យដឹងថា អនុវត្ដតាមបទបញ្ជា របស់លោកឧត្ដមសេនីយ៍ត្រី អាត់ ខែម ស្នងការនគរបាលខេត្ដបានដាក់ចេញ ផែនការដល់កម្លាំងការិយាល័យជំនាញ ត្រូវសហការជាមួយកម្លាំងនគរបាល តាមព្រំដែនក្នុងខេត្ដបន្ទាយមានជ័យ ដើម្បីទប់ស្កាត់ពលករខ្មែរឆ្លងដែនខុស ច្បាប់ឱ្យមានប្រសិទ្ធភាព និងដើម្បី ការពារអាយុជីវិតជាពិសេសបញ្ចៀស បញ្ហាប្រឈមដែលកើតឡើងចំពោះពលករខ្មែរដោយប្រការផ្សេងៗ ។ ពលករខ្មែរ ប្រុសស្រីទាំង៧៣នាក់ខាងលើត្រូវបាន កម្លាំងនគរបាលអប់រំណែនាំឱ្យពួកគាត់ វិលទៅរកការងារស្របច្បាប់វិញដើម្បីធានាសុវត្ថិភាពបន្ទាប់ពីសមត្ថកិច្ចឱ្យ ធ្វើកិច្ចសន្យានិងអប់រំឱ្យពួកគាត់បញ្ចប់ការឆ្លងដែនខុសច្បាប់រួចហើយក៏បាន ដោះលែងឱ្យពួកគាត់ឱ្យវិលត្រឡប់ទៅ ស្រុកវិញ ៕
ដោយ៖ វិច្ឆិកា
