ភ្នំពេញ៖ លោកនាយឧត្ដមសេនីយ៍ ប៉ុល សារឿន អគ្គមេបញ្ជាការកងយោធ ពលខេមរភូមិន្ទ នាព្រឹកថ្ងៃទី៣០ ខែ តុលា ឆ្នាំ២០១៥ បានអនុញ្ញាតឱ្យលោក វរសេនីយ៍ឯក RUDY ADRIANTO អនុព័ន្ធយោធាសាធារណរដ្ឋឥណ្ឌូនេស៊ី ចាស់ និងលោកវរសេនីយ៍ឯក SUNARYO ប្រធានការិយាល័យអនុព័ន្ធយោធាថ្មីចូល ជួបសម្ដែងការគួរសម និងជម្រាបលា ក្នុងឱកាសដែលរូបលោកបានបញ្ចប់ អាណត្ដិកាទូតយោធា និងការតែងតាំង បំពេញបេសកកម្មក្នុងព្រះរាជាណាចក្រ កម្ពុជា ។
លោកនាយឧត្ដមសេនីយ៍ ប៉ុល សារឿន បានសម្ដែងការស្វាគមន៍យ៉ាងកក់ក្ដៅ រីករាយបំផុតចំពោះវត្ដមានលោក ប្រធានការិយាល័យអនុព័ន្ធយោធា សាធារណរដ្ឋឥណ្ឌូនេស៊ី ទាំងចាស់និងថ្មី ដោយលោកនាយឧត្ដមសេនីយ៍វាយតម្លៃ ខ្ពស់ចំពោះលទ្ធផលការងាររបស់លោក អនុព័ន្ធយោធាចាស់ ដែលបានខិតខំធ្វើ ឱ្យទំនាក់ទំនងកិច្ចសហប្រតិបត្ដិការល្អ ជាមួយកងយោធពលខេមរភូមិន្ទក្នុង រយៈពេល៣ឆ្នាំនៃការបំពេញបេសកកម្ម ការទូតនាពេលកន្លងមក ។
លោកសង្ឃឹមថា តាមរយៈនេះផង ដែរ លោកប្រធានការិយាល័យអនុព័ន្ធ យោធាឥណ្ឌូនេស៊ីថ្មី នឹងខិតខំបំពេញភារ កិច្ចក្នុងទំនាក់ទំនងកិច្ចសហប្រតិបត្ដិការ ល្អ រវាងកងទ័ពប្រទេសទាំងពីរ កម្ពុជា- ឥណ្ឌូនេស៊ីកាន់តែល្អប្រសើរថែមមួយ កម្រិតទៀត ។
លោកវរសេនីយ៍ឯក RUDY -ADRIANTO បានថ្លែងអំណរគុណយ៉ាង ជ្រាលជ្រៅចំពោះនាយទាហានគ្រប់លំដាប់ថ្នាក់កងយោធពលខេមរភូមិន្ទ ព្រម ទាំងលោកនាយឧត្ដមសេនីយ៍ អគ្គមេ បញ្ជាការ ខ.ភ.ម. ដែលកន្លងមកបាន បង្កលក្ខណៈងាយស្រួលដល់រូបលោកក្នុង ការបំពេញបេសកកម្មការទូតក្នុងព្រះ រាជាណាចក្រកម្ពុជាទទួលបានជោគជ័យ ក្នុងអាណត្ដិការងាររបស់លោក ។
លោកអនុព័ន្ធយោធារូបនេះ បាន បញ្ជាក់ទៀតថា បញ្ហានៅសេសល់លោក វរសេនីយ៍ឯក SUNARYO ដែលមក បំពេញបេសកកម្មការងារថ្មី នឹងបន្ដខិត ខំដោះស្រាយក្នុងកិច្ចបង្កើន ទំនាក់ទំនង ល្អរវាងកងទ័ពប្រទេសទាំង២ឱ្យកាន់ តែរឹងមាំ ស្អិតល្មួតបន្ថែមទៀត ៕
ដោយ៖ សុខដុម
