តម្លៃប្រេងឆៅលើពិភពលោក កាលពីថ្ងៃទី១៩ខែកុម្ភៈបានកើនឡើងខ្ពស់បំផុត ក្នុងរយៈពេល ពីរសប្តាហ៍ចុងក្រោយនេះដោយសារតែភាពតានតឹងនៅតំបន់មជ្ឈឹមបូព៌ា ធ្វើឲ្យការឃួងយកប្រេងត្រូវបានកាត់បន្ថយជាច្រើន។
តម្លៃប្រេង WTI នៅលើទីផ្សារខែកុម្ភៈ កើនឡើង៥៤សែន គឺ៦២,២២ក្នុងមួយបារ៉ែល។ ការចាប់ផ្តើមបើកទីផ្សាតម្លៃប្រេង WTI កើនឡើងរហូតដល់ទៅ១,៤ភាគរយគឺខ្ពស់បំផុត ចាប់ពីថ្ងៃទី៧ខែកុម្ភៈមក។
តម្លៃប្រេង Brent កើនឡើង៣៧សែន គឺឡើងដល់ ៦៥,២១ដុល្លារក្នុងមួយបារ៉ែល ។កាលពីបើកទីផ្សារភ្លាមគឺមានរហូតដល់ទៅ៦៥,៣៥ដុល្លារក្នុងមួយបារ៉េល។
តម្លៃប្រេងកើនឡើងក្រោយពេលនាយករដ្ឋមន្ត្រីអីស្រាអែល លោក Benjamin Netanyahu កាលពីថ្ងៃអាទិត្យ បានប្រកាសតបតនឹងប្រទេសអីរ៉ងនិងបណ្តាប្រទេសនៅក្នុងតំបន់មជ្ឈឹមបូព៌ា ។
ភាពតានតឹងរវាងអីស្រាអែលនិង អីរ៉ង កើនឡើងខ្ពស់ចាប់តាំងពីថ្ងៃទី១០ខែកុម្ភៈ ក្រោយពេលយន្តអីស្រាអែល រងការបាញ់ប្រហារដោយមីស៊ីល អាកាសយាននិក២នាក់ក៏បានលោតឆ័តទាន់ពេល តែរងរបួសធ្ងន់ម្នាក់និងស្រាលម្នាក់។
ចំណុចមួយទៀតដែលធ្វើឲ្យតម្លៃប្រេងកើនឡើង គឺការប្រកាសរបស់ រដ្ឋមន្ត្រីថាមពល អារ៉ាប រួម ដោយបញ្ជាក់ថានិងកាត់បន្ថយការឃួងយកប្រេងរយៈពេលយូអង្វែង។ ប៉ុន្តែអាមេរិកវិញ បានបង្កើន ការលក់ប្រេងក្នុងពេលដែលតម្លៃកើនឡើងខ្ពស់។តាមតួលេខរបស់ក្រុមហ៊ុនឧស្ម័នប្រេង Baker Hughes ចំនួនស្ថានីយឃួងប្រេង របស់អាមេរិកកើនឡើង ៧ស្ថានីយនៅក្នុងសប្តាហ៍កន្លងមក ធ្វើឲ្យចំនួនស្ថានីយឃួងប្រេងសរុបមានរហូតដល់ទៅ ៧៩៨ គឺខ្ពស់បំផុត មិនធ្លាប់មានចាប់តាំងពីខែមេសាឆ្នាំ២០១៥មក។ ចំណុចទាំងនោះហើយបានបង្កក្តីបារម្ភយ៉ាងខ្លាំង ពីការបំផ្លាញ គម្រោងកាត់បន្ថយចំនួនប្រេងរបស់បណ្តាប្រទេសOPEC និង ១០ប្រទេសផ្សេងទៀតលើពិភពលោក។
ក្រុមអ្នកឯកទេសវិភាគបានលើកឡើងថា ក្នុងនាមជាមហាអំណាចយោធានិងសេដ្ឋកិច្ចពិភពលោក អាមេរិកតែងតែ មានគោលនយោបាយ ផែនការ ដើរមុនបណ្តាប្រទេសផ្សេងទៀត មួយជំហានជានិច្ច។ កន្លងមកនៅពេលដែល តម្លៃប្រេងលើពិភពលោកធ្លាក់ចុះ អាមេរិកបង្កើនការទិញយ៉ាងច្រើនយកទៅស្តុកទុក នៅពេលនេះតម្លៃប្រេងឡើងថ្លៃ ប្រទេសជាច្រើនបានសម្រេចកាត់បន្ថយ ការឃួងយកប្រេង អាមេរិក បែជាបង្កើន ស្ថានីយខួងប្រេង ដើម្បីលក់ទៅកាន់ទីផ្សាពិភពលោកក្នុងតម្លៃថ្លៃ៕
ដោយ៖មែវ សាធី
