ខេត្ដកណ្ដាល៖ បុរសដែលបានចាក់ សាំងដុតសម្លាប់ខ្លួនព្រោះតែប្រពន្ធចុះ ចោលផ្ទះទុកឱ្យកូនប្រុសស្រី៣នាក់យំឱ្យ រហង់និងមិនបានប្រាប់ដំណឹងថាទៅណា នោះមកដល់ព្រឹកថ្ងៃអាទិត្យទី១ ខែវិច្ឆិកា ឆ្នាំ២០១៥ បានបាត់បង់ជីវិតហើយនៅ មន្ទីរពេទ្យកាល់ម៉ែតក្នុងរាជធានីភ្នំពេញ ។ សាកសពជនរងគ្រោះត្រូវបានអ្នកភូមិ សហការជាមួយនឹងអាជ្ញាធរដឹកបញ្ជូន ទៅបូជានៅក្នុងវត្ដព្រែកអញ្ចាញស្ថិតនៅ ស្រុកមុខកំពូល ខេត្ដកណ្ដាល កាលពី វេលាម៉ោង៤ ថ្ងៃទី១ ខែវិច្ឆិកា ឆ្នាំ២០១៥។
អ្នកចូលរួមបូជាសពបុរសអភ័ព្វបាន ប្រាប់ឱ្យដឹងថា នៅពេលបូជាសពរង គ្រោះគេពុំឃើញប្រពន្ធជនរងគ្រោះមក ចូលរួមនោះទេ ដែលអ្នកភូមិសង្ស័យថា ប្រពន្ធជនរងគ្រោះកំពុងផ្អែមល្ហែមជា មួយនឹងប្រុសថ្មី ។
គួររំលឹកថា កាលពីវេលាម៉ោង៣និង ២០នាទីរសៀលថ្ងៃទី៣០ ខែតុលា ឆ្នាំ ២០១៥ នៅភូមិជ្រោយមេត្រីក្រោម ឃុំ ឫស្សីជ្រោយ ស្រុកមុខកំពូល ខេត្ដកណ្ដាល ជនរងគ្រោះខាងលើបានចាក់សាំងដុត ខ្លួនខណៈមកពីធ្វើជាងសំណង់នៅក្នុងរាជ ធានីភ្នំពេញទៅលេងផ្ទះហើយបាត់មិន ឃើញប្រពន្ធរយៈពេល២យប់២ថ្ងៃ ។
បើតាមអ្នកភូមិបានប្រាប់ថា មុន ពេលដែលជនរងគ្រោះចាក់សាំងដុតខ្លួន គឺជនរងគ្រោះមានទឹកមុខស្រពាប់ស្រ ពោនបាយមិននឹកទឹកមិនស្រេកដោយ សារអង្គុយចាំមើលផ្លូវប្រពន្ធដូចអង្គុយ ចាំម៉ែមកពីផ្សារយ៉ាងដូច្នេះដែរ ។
បើតាមអ្នកភូមិឱ្យដឹងថា ជនរងគ្រោះ ឈ្មោះ ផន ណា អាយុ៣៣ឆ្នាំ មានមុខ របរជាកម្មករសំណង់ រស់នៅភូមិកើត ហេតុ ។ ជនរងគ្រោះមានកូនប្រុសស្រី ៣នាក់រស់នៅក្នុងបន្ទុករបស់ប្រពន្ធគ្រា ដែលជនរងគ្រោះមកធ្វើជាជាងសំណង់ នៅក្នុងរាជធានីភ្នំពេញហើយទៅលេងផ្ទះ ម្ដងម្កាល ។
អ្នកភូមិបានប្រាប់ឱ្យដឹងដែរថា កូន ស្រីច្បងម្នាក់ក្នុងចំណោមកូនទាំង៣នាក់ នេះគឺជាកូនប្ដីមុនរបស់ស្ដ្រីដែលចុះចោល ផ្ទះមិនទុកដំណឹងនេះ ។ មានន័យថា ជន រងគ្រោះនឹងស្ដ្រីដែលចុះចោលប្ដីនឹងកូន នេះជាស្ដ្រីមេម៉ាយហើយបានមករៀមការ ជាមួយនឹងជនរងគ្រោះរយៈពេលជាង ២ឆ្នាំបន្សល់ទុកកូនប្រុស-ស្រី ២នាក់ ។
គួរបញ្ជាក់ថា នៅមុនពេលកើតហេតុ ជនរងគ្រោះបានទិញសាំង១លីត្រចាក់ ស្រោចលើខ្លួនរួចដុតតែត្រូវបានសាច់ ញ្ញាតិនិងអ្នករស់នៅក្នុងភូមិបានជួយ ដួសទឹកជះពន្លត់និងយកជនរងគ្រោះដាក់ ត្រាំក្នុងទឹកពាង ។ បន្ទាប់មកអ្នកភូមិបាន បញ្ជូនជនរងគ្រោះទៅមណ្ឌលសុខភាព ស្រុកដើម្បីសង្គ្រោះបឋបន្ទាប់មកបាន បញ្ជូនជនរងគ្រោះមកមន្ទីរពេទ្យក្នុងរាជ ធានីភ្នំពេញ ។
មុនពេលជនរងគ្រោះស្លាប់បានប្រាប់ អ្នកយកព័ត៌មាននគរវត្ដក្រោយពីចាក់ សាំងដុតខ្លួនឱ្យដឹងថា មូលហេតុដែល រូបគាត់ចាក់សាំងដុតខ្លួនព្រោះតូចចិត្ដ និងប្រពន្ធចេញពីផ្ទះអត់ប្រាប់ដំណឹង “ខ្ញុំសង្ស័យប្រពន្ធរត់តាមប្រុស” ៕
ដោយ៖ ឡូ សំអាត
