ខេត្តព្រះសីហនុ៖ ព័ត៌មានពីមន្ត្រីនគរបាល ខេត្តព្រះសីហនុ បានឲ្យដឹងថា៖ នៅវេលាល្ងាចម៉ោង១៧:៣០នាទី ថ្ងៃទី២៦ ខែកុម្ភៈ ឆ្នាំ ២០១៨ ថ្មីៗនេះ មានទូកដឹកភ្ញៀវទេសចរណ៏ មួយគ្រឿងបានលិច នៅកំពង់ផែភូមិសុខសាន្ត សង្កាត់កោះរ៉ុង បណ្តាលអោយស្លាប់ស្ត្រីម្នាក់ ឈ្មោះ ហែម ឡំ អាយុ៣៨ឆ្នាំ មុខរបរមិនពិប្រាកដ ជនរងគ្រោះទើបនឹងមកពីស្រុកកំណើត នៅភូមិទូកមាស ឃុំទូកមាសខាងលិច ស្រុកបន្ទាយមាស ខេត្តកំពត។
ទូកដឹកភ្ញៀវទេសចរនោះ បានធ្វេីដំណើរពីខេត្តព្រះសីហនុ ចូលចតនៅកំពង់ផែយាយសក់ក្រហម ភូមិសុខសាន្ត សង្កាត់កោះរ៉ុង ក្រុងព្រះសីហនុ។ ពេលនោះ មានខ្យល់ខ្លាំង រលកធំៗ បោកបក់ បណ្ដាលឲ្យលិចទូកនៅក្នុងកំពង់ ធ្លាក់ជនរងគ្រោះចូលក្នុងទឹក ទំរាំ រាវរកឃេីញ ជនរងគ្រោះ បានលង់ទឹកស្លាប់បាត់ទៅហើយ៕
...
ដោយ៖ ឆ្លាម សមុទ្រ
