ភ្នំពេញ៖ នៅក្នុងឱកាសអញ្ជើញជា អធិបតីពិធីសម្ពោធដាក់ឱ្យប្រើ ប្រាស់ជាផ្លូវការគម្រោងការពារទឹកជំនន់ និងកែលម្អប្រព័ន្ធប្រឡាយលូនៅរាជ ធានភ្នំពេញជំហានទី៣កាលពីព្រឹកថ្ងៃទី៥ ខែវិច្ឆិកា ឆ្នាំ២០១៥ នៅមុខវត្ដបទុមវតី រាជធានីភ្នំពេញ សម្ដេចតេជោបានមាន ប្រសាសន៍អំពីជំនួបរវាងសម្ដេចក្រឡា ហោម ស ខេង ជាមួយលោក សម រង្ស៊ី ។
សម្ដេចតេជោបានមានប្រសាសន៍ ថា ការជួបគ្នានេះផ្ដោតទៅលើការពង្រឹង វប្បធម៌សន្ទនាដែលពីមុនសង្ឃឹមថា មេ បក្សទាំងសងខាងសូមមេត្ដារៀបរយក្នុង ជួរបក្សរបស់ខ្លួនឱ្យបានល្អ ។ បើមិនរៀប រយក្នុងបក្សឱ្យបានល្អទេ កុំលេងរបៀប ចាប់ដៃជាន់ជើង គឺមិនបានទេ ព្រោះគេ ដឹងថា អ្នកណាឈរបញ្ជាបាតុកម្មនៅ ប៉ារីស? នរណាឈរបញ្ជាបាតុកម្មនៅ ញូវយ៉ក? មិនមែនគេមិនដឹងនោះទេ គឺ សម័យបច្ចេកវិទ្យាបច្ចុប្បន្ននេះ ។
សម្ដេចសង្កត់ធ្ងន់ថា “សង្ឃឹមថា យើងសន្ទនា, ត្រូវតែសន្ទនា, កុំជាមួយ មេៗសន្ទនា បែរជាទុកឱ្យអាកូនជេរ”។ អត់ទទួលយកបានទេ ព្រោះអាកូនវាជេរ ស្មើនឹងអាមេជេរដូចតែគ្នា ព្រោះមាន ខុសអ្វី ព្រោះមេឱ្យកូនជេរគឺដូចតែគ្នា ។
ដូច្នេះបើចង់សន្ទនាល្អសម្ដេចបញ្ជាក់ ថា វិធីតែមួយគត់គឺអប់រំផ្ទៃក្នុងទាំង សងខាងបក្សនោះទៅ កុំឱ្យប៉ះពាល់ កុំឱ្យ ប្រមាថគ្នា…ស្រែកឡើងអាយ៉ងយួនៗ។
សម្ដេចតេជោអំពាវនាវសូមឱ្យអ្នក គាំទ្រគណបក្សប្រជាជនកម្ពុជាសូមមេត្ដា កុំប្រើអំពើហិង្សា បើគេជេរយើងត្រូវខាំ មាត់ដើរចេញ បើគេប្រមាថកុំធ្វើអំពើ ណាប៉ះពាល់ដល់រូបកាយអាយុជីវិត ទ្រព្យសម្បត្ដិរបស់គេឱ្យសោះ ។
ទុកឱ្យគេបង្កហេតុជាអ្នកទទួលខុស ត្រូវលើបញ្ហាដែលគេបានបង្កើត ។ រឿង វាមិនទាន់ចប់ទេ រឿងវ៉ៃគ្លីនិករបស់គេ, មិនទាន់ចប់ទេ, សំណុំរឿងផ្លូវវ៉េងស្រេង… អត់ទាន់បិទបញ្ជីទេ អ្នកណាទៅបំផុស កម្មករដែលកំពុងធ្វើការឱ្យចេញមកធ្វើ បាតុកម្មក៏អត់ទាន់រួចខ្លួនដែរ ៕
ដោយ៖ ហេង សូរិយា
