ភ្នំពេញ៖ ប្រភេទកីឡាយុទ្ធគុនចម្រុះ ឬហៅថា MMA មិនអាចដាក់បញ្ចូល ក្នុងកម្មវិធីប្រកួតប្រចាំតំបន់របស់សមា គមកីឡាអាស៊ីអាគ្នេយ៍ហៅកាត់ថា អាស៊ានបានទេ ពីព្រោះកីឡាប្រភេទនេះ ជាប្រភេទកីឡាស្វែងរកចំណូលឬហៅថា (Sport Business) ។
លោក វ៉ាត់ ចំរើន ប្រធានសមា គមកីឡាយុទ្ធគុនចម្រុះកម្ពុជាថ្លែងនៅ ក្នុងសន្និសីទសារព័ត៌មានកាលពីព្រឹកថ្ងៃទី៥ ខែវិច្ឆិកា ឆ្នាំ២០១៥ នៅសណ្ឋាគារ ណាហ្គាវើលបញ្ជាក់ថា កីឡាយុទ្ធគុន ចម្រុះដែលជាទីពេញនិយមរបស់មនុស្ស សម័យថ្មីនាពេលនេះមិនអាចដាក់បញ្ចូល ក្នុងព្រឹត្ដិការណ៍ប្រកួតសមាគមកីឡា អាស៊ានបានទេ ពីព្រោះវាមិនមែនជា ប្រភេទកីឡាដែលមិនរកចំណូលដូចមាន ចែងនៅក្នុងធម្មនុញ្ញសមាគមកីឡាអូឡាំ ពិកនោះទេ ។
លោកបានបន្ដទៀតថា ផ្ទុយទៅវិញ ប្រភេទកីឡា MMA នេះ ជាកីឡាម្យ៉ាង ស្វែងរកចំណូលខុសពីកីឡាផ្សេងៗដែល មានស្រាប់នៅក្នុងព្រឹត្ដិការណ៍កីឡា អាស៊ាន ឬហៅថាស៊ីហ្គេមដែលប្រមូល ផ្ដុំដោយកីឡាប្រពៃណីរបស់ប្រទេសនីមួយៗ និងប្រភេទកីឡាអូឡាំពិក ។ ដោយឡែក MMA មិនស្ថិតក្នុងកីឡាទាំងអស់នោះ ទេ ។
នៅក្នុងសន្និសីទសារព័ត៌មានស្ដីពីការ ប្រកួត One Kingdom of Khmer ដែលគ្រោងធ្វើនៅថ្ងៃទី៥ ខែធ្នូ ឆ្នាំ ២០១៥ ត្រូវបានលោក Vitor Cui នាយកប្រតិបត្ដិ One Championship លើកឡើងពីសកម្មភាពក្នុងការរៀបចំ ការប្រកួតកីឡាយុទ្ធគុនចម្រុះនៅព្រះរាជា ណាចក្រកម្ពុជាយ៉ាងដូច្នេះថា ព្រឹត្ដិការណ៍ One Kingdom of Khmer លើកទី២ នេះប្រាកដជាអស្ចារ្យដែលប្រមូលផ្ដុំ ដោយសិល្បៈយុទ្ធគុនចម្រុះ (MMA) កម្រិតពិភពលោក ។
លោកបានបន្ដទៀតថា កាលពីឆ្នាំ កន្លងទៅព្រឹត្ដិការណ៍នេះទទួលបានការគាំ ទ្រ និងជោគជ័យដ៏ធំធេង ហើយពិតជា កិត្ដិយសណាស់ដែលទទួលបានអ្នកគាំទ្រ ដ៏ច្រើនអមដោយតារាឆ្នើមៗចូលរួម កម្មវិធីរបស់យើង។ ហេតុដូច្នេះខ្ញុំសង្ឃឹម ថា ព្រឹត្ដិការណ៍ One Kingdom of Khmer នឹងក្លាយជារាត្រីដ៏អស្ចារ្យមួយ ដែលអ្នកគាំទ្រមិនអាចបំភ្លេចបាន។
អគ្គលេខាធិការគណៈកម្មាធិការជាតិ អូឡាំពិកកម្ពុជារូបនេះបានផ្ដាំផ្ញើដល់ កីឡាករកីឡាការិនីដែលមានឈ្មោះចូល រួមប្រកួតក្នុងព្រឹត្ដិការណ៍ One Kingdom of Khmer ដែលរៀបចំដោយអង្គភាព One FC ខាងលើប្រកបដោយសេចក្ដី ថ្លៃថ្នូរ បើចាញ់សូមចាញ់ដោយបច្ចេក ទេស បើឈ្នះដោយបច្ចេកទេស ។
លោកបានបន្ដទៀតថា ព្រឹត្ដិការណ៍ នេះអាចផ្ដល់ឱកាសឱ្យកីឡាករកីឡាការិនី កម្ពុជាបង្ហាញនូវក្បាច់គុនបុរាណខ្មែរ បន្សល់ទុកពីដូនតារបស់យើង ។ ហេតុ ដូច្នេះអ្នកទាំអស់គ្នាមិនត្រឹមតែចូលរួម ប្រកួតប្រកបដោយសេចក្ដីថ្លៃថ្នូរប៉ុណ្ណោះ ទេ តែអ្នកទាំងអស់គ្នាបានជួយអភិរក្ស និងអភិវឌ្ឍតាមរយៈ One FC ដែលជា ប្រភេទកីឡាទំនើប និងទទួលបានការគាំ ទ្រពេញនិយមទាំងថ្នាក់តំបន់ និងនៅលើ ពិភពលោក ៕
ដោយ៖ សារីម
