ភ្នំពេញ៖ បុរសម្នាក់ត្រូវបានប្រជាពលរដ្ឋប្រទេះឃើញចងកនៅកន្លែងផ្ទះបែកបាក់ក្នុងដីឡូទំនេរមួយកន្លែងបង្កភាពភ្ញាក់ផ្អើរដល់សមត្ថកិច្ចមូលដ្ឋានចុះមកពិនិត្យ ។

កាលពីម៉ោង១៦និង១៥នាទីរសៀលថ្ងៃទី០៦ ខែវិច្ឆិកា ឆ្នាំ២០១៥ នៅចំណុចផ្ទះថ្ម បែកបាក់ក្នុងដីឡូទំនេរ ផ្លូវលំ ក្រុម១ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។

ប្រភពនៅកន្លែងកើតហេតុបានប្រាប់ឲ្យដឹងថាមុនកើតហេតុមានប្រជាពលរដ្ឋម្នាក់បានបោសសំរាមនៅផ្ទះរបស់គាត់ដែលមានទីតាងជាប់ដីឡូទំនេរខាងលើហើយបានឈរពីផ្ទះគាត់ជាន់ទីមួយមើលទៅបានឃើញបុរសម្នាក់យកក្រណាត់សចងក.ជាប់មាត់ទ្វាផ្ទះបាក់បែកខាងលើហើយក៍បានប្រាប់ប្រជាពលរដ្ឋជិតខាងរាយការណ៍ទៅសមត្ថកិច្ចមូលដ្ឋានអោយចុះមកពិនិត្យតែម្តង ។

សមត្ថកិច្ចបានប្រាប់ថាបុរសដែលចងកធ្វើអត្តឃាត់ខាងលើនេះឈ្មោះសុខ ចាន់ណា អាយុ២៥ឆ្នាំមុខរបរជាងដែក ស្នាក់នៅផ្លូវលំ ក្រុម១
ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ៕

ដោយ៖ តុង សីហា