ក្រុងប៉ោយប៉ែត៖ ប្រជាពលរដ្ឋ ប្រមាណ១៤គ្រួសាររស់នៅលើខ្នងទំនប់ ក៥ ស្ថិតក្នុងភូមិសាមគ្គីមានជ័យ សង្កាត់-ក្រុងប៉ោតប៉ែត ខេត្ដបន្ទាយ មានជ័យ បានផ្ទុះការតវ៉ាក្រោយពីសន្ដិ សុខក្រុមហ៊ុនអានកូម្នាក់ផ្ដាច់ចរន្ដអគ្គិ សនីឈប់ឱ្យប្រើប្រាស់អស់រយៈពេល៥-៦ថ្ងៃមកនោះ ។
ការតវ៉ារបស់ប្រជាពល រដ្ឋខាងលើនេះបានធ្វើឡើងនៅរសៀល ថ្ងៃទី៦ ខែវិច្ឆិកា ឆ្នាំ២០១៥ ប៉ុន្ដែពុំមាន អំពើហិង្សាណាមួយកើតឡើងនោះទេ ក្រៅតែពីការទាមទាររកអន្ដរាគមន៍ពី អាជ្ញាធរជួយឱ្យពួកគាត់មានភ្លើងអគ្គិ សនីប្រើប្រាស់ឡើងវិញប៉ុណ្ណោះ ។
ប្រជាពលរដ្ឋអ្នកតវ៉ាបានឱ្យដឹងថា សន្ដិសុខក្រុមហ៊ុនអានកូដែលបានកាត់ ផ្ដាច់ចរន្ដអគ្គិសនីរបស់ពួកគាត់ឈប់ឱ្យ ប្រើប្រាស់នោះឈ្មោះ ប្រុស។ ការដែល សន្ដិសុខឈ្មោះ ប្រុស នេះកាត់ចរន្ដអគ្គិ សនីលែងឱ្យប្រជាពលរដ្ឋប្រើប្រាស់នេះ បានធ្វើឡើងកាលពីថ្ងៃទី៣ ខែវិច្ឆិកា ឆ្នាំ២០១៥ ដោយសន្ដិសុខរូបនេះខឹង សម្បារថា ប្រជាពលរដ្ឋមួយគ្រួសារ ឈ្មោះ ផន ពៅ ភេទស្រី អាយុ២៧ឆ្នាំ បានសង់ផ្ទះបាយលយចូលដីរបស់ក្រុម ហ៊ុនអានកូ ។
ប្រជាពលរដ្ឋអ្នកតវ៉ាបានឱ្យដឹងថា មុនពេលដែលសន្ដិសុខឈ្មោះ ប្រុស នេះ កាត់ផ្ដាច់ភ្លើងឈប់ឱ្យប្រជាពលរដ្ឋប្រើ ប្រាស់គឺនៅបន្ទាប់ពីសន្ដិសុខរូបនេះមាន ជម្លោះយ៉ាងស្រួចស្រាវជាមួយនឹងពល រដ្ឋមួយគ្រួសារឈ្មោះ ផន ពៅ កាលពី ថ្ងៃទី៣ វិច្ឆិកា ដោយចោទថាឈ្មោះ ផន ពៅ បានតផ្ទះបាយមកលើដីរបស់ក្រុម ហ៊ុន។ នៅពេលមានជម្លោះនោះសន្ដិសុខ រូបនេះបានបញ្ជាឱ្យម្ចាស់ផ្ទះឈ្មោះ ផន ពៅ រុះរើផ្ទះបាយនោះចេញ ហើយម្ចាស់ ផ្ទះក៏បានធ្វើតាមសំណូមពរ។ ប៉ុន្ដែនៅ បន្ទាប់ពីឈ្មោះ ផន ពៅ រុះរើផ្ទះបាយនេះ ហើយក្ដីនៅយប់ថ្ងៃទី៤ ខែវិច្ឆិកា សន្ដិ សុខក្រុមហ៊ុនអានកូម្នាក់នេះនៅតែផ្ដាច់ ភ្លើងពួកគាត់លែងឱ្យប្រើប្រាស់ដដែល ។
អ៊ុំប្រុសម្នាក់ក្នុងចំណោមអ្នកតវ៉ាសុំ មិនបញ្ចេញឈ្មោះបានបញ្ជាក់ថា សន្ដិ សុខឈ្មោះ ប្រុស ម្នាក់នេះមិនដឹងអាងអី បើឈ្មោះ ផន ពៅ ជាអ្នកធ្វើខុសមែន ចុះហេតុដូចម្ដេចមិនកាត់ភ្លើងតែផ្ទះ ផន ពៅ នេះទៅ? មិនតែប៉ុណ្ណោះសន្ដិ សុខរូបនេះនៅបានគំរាមដល់បងប្អូន ប្រជាពលរដ្ឋជាច្រើនរយគ្រួសារទៀត ក្រៅពីផ្ទះប្រជាពលរដ្ឋដែលដាច់ភ្លើង ទាំង១៤គ្រួសារ ប្រសិនជាចូលរួមបះ បោលតវ៉ានោះគេនឹងផ្ដាច់ភ្លើងលែងឱ្យ ប្រើដូចគ្នា ។
ជុំវិញការលើឡើងខាងលើនេះអ្នក យកព័ត៌មាននគរវត្ដមិនអាចរកការ ពន្យល់ពីសន្ដិសុខឈ្មោះ ប្រុស នេះបាន ទេនៅថ្ងៃទី៧ វិច្ឆិកា ដោយពុំមានលេខ ទូរស័ព្ទ ។
លោក ង៉ោ ម៉េងជ្រួន អភិបាលក្រុង ប៉ោយប៉ែតបានប្រាប់ឱ្យដឹងថា បញ្ហា ប្រជាពលរដ្ឋតវ៉ានឹងការផ្ដាច់ភ្លើងពីសន្ដិ សុខក្រុមហ៊ុនអានកូមិនឱ្យប្រជាពលរដ្ឋ នៅចំណុចភូមិខាងលើប្រើប្រាស់នោះ លោកពុំទាន់បានដឹងនៅឡើយទេ។ ក៏ ប៉ុន្ដែលោកនឹងឱ្យមន្ដ្រីអាជ្ញាធរភូមិ- សង្កាត់ទៅសួរនាំជាមុនសិនរួចចាំដោះ ស្រាយជូនប្រជាពលរដ្ឋនៅពេលក្រោយ ។
ប្រជាពលរដ្ឋនៅក្រុងប៉ោយប៉ែតបាន រិះគន់ចំពោះសន្ដិសុខឈ្មោះ ប្រុស ដែល បានផ្ដាច់ភ្លើងប្រជាពលរដ្ឋថា ការផ្ដាច់ ភ្លើងប្រជាពលរដ្ឋរបៀបនេះបើសិនជា ប្រធានក្រុមហ៊ុនអានកូវាមិនស្អីប៉ុន្មាន ទេ តែសន្ដិសុខរូបនេះឋានៈត្រឹមយាម យកបាយហូបឱ្យក្រុមហ៊ុនមានអំណាចអី ផ្ដាច់ភ្លើងប្រជាពលរដ្ឋ ។
ចំពោះករណីនេះគេនៅពុំទាន់ដឹងថា ម្ចាស់ក្រុមហ៊ុនអានកូដែលទទួលការ ចែកចាយសេវាភ្លើងអគ្គិសនីបានជ្រាប ហើយឬនៅទេ តែបើបានដឹងគួរតែមាន វិធានការទៅលើសន្ដិសុខឈ្មោះ ប្រុស នេះ បើមិនដូច្នេះទេក្រែងប្រជាពលរដ្ឋ ក្ដៅក្រហាយប្រាកដជាវីវរធំមិនខាន ។
គួរបញ្ជាក់ថា ប្រជាពលរដ្ឋនៅក្រុង ប៉ោយប៉ែត ខេត្ដបន្ទាយមានជ័យ មួយ ចំនួនធំបានប្រើប្រាស់អគ្គិសនីចែកចាយ ដោយក្រុមហ៊ុនអានកូ។ កន្លងទៅក៏ធ្លាប់ មានបញ្ហារកាំរកូសរវាងប្រជាពលរដ្ឋ នឹងក្រុមហ៊ុនម៉ៅចែកចាយអគ្គិសនីនេះ ដែរដោយសារសេវាថ្លៃខុសពីតម្លៃនៅ ខេត្ដដទៃទៀត ៕
ដោយ៖ វណ្ណា
