ខេត្តកណ្តាល៖ យុវជនម្នាក់ត្រូវ សមត្ថកិច្ចចាប់ខ្លួនទៅតាម ពាក្យបណ្តឹងរបស់ជនរងគ្រោះជាប្អូនថ្លៃ បន្ទាប់ពីជនសង្ស័យ យកដុំថ្មគប់ទ្វាផ្ទះបណ្តាលអោយបែកកញ្ចក់ខ្ទេចកាលពីវេលាម៉ោង៥ និង៣០នាទីល្ងាច ថ្ងៃទី៨ ខែវិច្ឆិកា ឆ្នាំ២០១៥ នៅចំនុចភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ។
បន្ទាប់ពីឃាត់ខ្លួនរយៈពេល៤៨ម៉ោង នៅព្រឹកថ្ងៃទី៩ ខែវិច្ឆិការ ឆ្នាំ២០១៥ ជន សង្ស័យត្រូវបានបញ្ជូនខ្លួនទៅកាន់សាលាដំបូងខេត្តកណ្តាល ដើម្បីចោទប្រកាន់តាម ផ្លូវ ច្បាប់ ។
ជនសង្ស័យមានឈ្មោះតាត វិចិត្រ ភេទប្រុស អាយុ២៧ឆ្នាំ គ្មានមុខរបរពិតប្រាកដ ត្រូវជាបងថ្លៃរបស់នារីរងគ្រោះ ឈ្មោះ សេង មុំ អាយុ២៣ឆ្នាំ មានទីលំនៅភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ។
លោក វង សែ អធិការរង នគរបាលស្រុកកៀនស្វាយ ទទួលការងារព្រហ្មទណ្ឌ បាន អោយដឹងថា ករណីចាប់ខ្លួន ជនសង្ស័យរូបនេះធ្វើឡើង
បន្ទាប់ពីនារីរងគ្រោះជាម្ចាស់ផ្ទះបានដាក់ពាក្យបណ្តឹងនៅនគរបាលប៉ុស្តិ៍ភូមិធំ បន្ទាប់ពី ជនសង្ស័យត្រូវជាបងថ្លៃនារីរងគ្រោះបានយកដុំថ្មជាច្រើនដុំគប់ទៅលើទ្វាផ្ទះ ជញ្ជាំងផ្ទះ រងនូវការខូចខាត ។ មូលហេតុដែលឈានដល់វាយបំផ្លាញទ្រព្យសម្បត្តិប្អូនថ្លៃនេះ គឺផ្តើមចេញពីជនសង្ស័យចោទប្រកាន់ប្អូនថ្លៃថា ពូកែ និ យាយដើមខ្លួន និង ជាអ្នក ញុះញុងអោយប្រពន្ធ លែង លះជនសង្ស័យ ប្រពន្ធជន សង្ស័យ ត្រូវជាបងស្រីបង្កើត ជាមួយនារីរងគ្រោះជាម្ចាស់ផ្ទះ ។
លោកអធិការរងបន្តថា ដោយការខឹងសម្បារនិងប្អូនថ្លៃពូកែនិយាយដើម និងញុះញុងអោយប្រពន្ធលែងលះទៀតនោះ ធ្វើអោយជនសង្ស័យ ទប់កំហឹងមិនបានក៍យកដុំថ្មគប់បំផ្លាញទ្វាផ្ទះ និងជញ្ជាំង ផ្ទះតែម្តង ហើយត្រូវម្ចាស់ផ្ទះ ប្តឹងទើបសមត្ថកិច្ចចាប់ខ្លួន ។ បន្ទាប់ពីធ្វើការសាកសួរនិងឃាត់ខ្លួនរយៈពេល៤៨ម៉ោង នៅព្រឹកថ្ងៃទី៩ ខែវិច្ឆិកា ឆ្នាំ២០១៥នេះ ជនសង្ស័យត្រូវ បញ្ជូនទៅសាលាដំបូងខេត្តកណ្តាលដើម្បីចោទប្រកាន់តាមផ្លូវច្បាប់ ៕
ដោយ៖ សណ្តោស
