ភ្នំពេញ៖ លំនៅឋានពលរដ្ឋ២ខ្នងត្រូវភ្លើងឆាបឆេះអស់ស្ទើរទាំងស្រុងដោយសារតែករណីផ្ទុះកាប៊ីនភ្លើង ។ ហេតុការណ៍នេះបានកើតឡើងកាលពីវេលាម៉ោង៦និង៣០នាទីថ្ងៃទី១០ ខែវិច្ឆិកា ឆ្នាំ២០១៥ ស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
សាក្សីឃើញហេតុការណ៍បានបញ្ជាក់ថា មុនពេលកើតហេតុ កាប៊ីនភ្លើងដែលនៅក្នុងបង្គោលជិតនោះបានឆាបឆេះ ប៉ុន្តែគ្មានការពន្លត់ទាន់ពេល ទើបបណ្តាលឲ្យអណ្តាតភ្លើងរាលឆេះទៅកាន់លំនៅឋានពលរដ្ឋមួយខ្នងដែលគ្មានមនុស្សរស់នៅ ។
បន្ទាប់មកទៀត អគ្គិភ័យនេះបានរាលឆេះបន្តទៅកាន់លំនៅឋានពលរដ្ឋខាងក្រោយនោះមួយខ្នងទៀត ទម្រាំតែមានការអន្តរាគមន៍បាញ់ទឹកពន្លត់អស់ប្រមាណ១០រថយន្ត ទើបភ្លើងនោះរលត់ទៅវិញ ៕
...
ដោយ៖ ស រស្មី
