ខេត្តកំពង់ឆ្នាំង៖ ស្ត្រីម្នាក់ត្រូវបានសមត្ថកិច្ចនគរបាលស្រុកកំពង់ត្រឡាចចាប់ខ្លួនបាន ក្រោយពីធ្វើសកម្មភាពចែកថ្នាំញៀនដ៏សកម្មនេះ ការឃាត់ខ្លួននេះត្រូវបានធ្វើឡើង ។
កាលពីវេលាម៉ោង១១និង៣០នាទីព្រឹក ថ្ងៃទី១០ ខែវិច្ឆិកា ឆ្នាំ២០១៥ នៅផ្ទះជនសង្ស័យស្ថិតនៅភូមិច្រករមៀត ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ។
សមត្ថកិច្ចបានអោយដឹងថាជនសង្ស័យនេះមានឈ្មោះ ឈឹម សំឡី ភេទស្រី អាយុ៤៨ឆ្នាំ រស់នៅភូមិឃុំខាងលើ ។ ក្នុងពេលឃាត់ខ្លួនសមត្ថកិច្ចបានដកហូតថ្នាំញៀនប្រភេទម៉ាទឹកកកមួយកញ្ចប់ធំ ដែលមានទម្ងន់៥,០៥ក្រាម ទូរស័ព្ទដៃ១គ្រឿង និង ឧបករណ៍ច្រកថ្នាំញៀនមួយចំនួនផងដែរ ។
សមត្ថកិច្ចបានអោយដឹងថា ស្ត្រីរូបនេះគឺជាមុខសញ្ញាចាស់ ដែលតែងតែធ្វើសកម្មភាពជាប្រចាំនៅក្នុងមូលដ្ឋាននៅក្នុងស្រុកកំពង់ត្រឡាចនេះ ។ ហើយនៅថ្ងៃនេះដែ ដោយទទួលបានព័តមានច្បាស់ការ ពីកម្លាំងសម្ងាត់របស់សមត្ថកិច្ចស្តីសកម្មភាពចែកចាយថ្នាំញៀនរបស់ស្ត្រីនេះ កម្លាំងសមត្ថកិច្ចនគរបាលស្រុកកំពង់ត្រឡាចបានព័ទ្ធចាប់បានស្ត្រីរូបនេះតែម្តង ។
នៅពេលសមត្ថកិច្ចនគរបាលស្រុកកំពង់ត្រឡាច បានកសាងសំណុំរឿងបញ្ជូនជនសង្ស័យ មកស្នងការដ្ឋាននគរបាលខេត្តដើម្បីចាត់ការបន្តតាមនីតិវិធី ៕
ដោយ៖ ចន្ថា
