ប្រភពបានរាយការណ៍ថា នាយករដ្ឋមន្ត្រឥណ្ឌា លោកណារ៉េនត្រា មូឌី នឹងធ្វើដំណើរទស្សនកិច្ចទៅកាន់ចក្រភពអង់គ្លេស។
ប្រភពបានបន្តថា លោកម៉ូឌី នឹងអញ្ជើញទៅកាន់ទីក្រុងឡុង នៅថ្ងៃទី១២ ខែវិច្ឆិកា ឆ្នាំ២០១៥ ក្នុងដំណើរទស្សនកិច្ចរយៈពេល៣ថ្ងៃ ។ ក្នុងអំឡុងទស្សនកិច្ចនេះ លោកមូឌី នឹងជួបលៀងភោជនាហារថ្ងៃត្រង់ជាមួយព្រះរាជនី Queen Elizabeth II និងលោកនាយករដ្ឋមន្ត្រីអង់គ្លេស David Cameron ផងដែរ ។
នៅក្នុងដំណើរទស្សនកិច្ចនេះមានការរំពឹងថា ថ្នាក់ដឹកនាំកំពូលប្រទេសឥណ្ឌានឹងចុះហត្ថលេខាលើកិច្ចព្រមព្រៀងពាណិជ្ជកម្ម សេដ្ឋកិច្ចជាមួយចក្រភពអង់គ្លេស ដោយផ្តោតទៅលើវិស័យឯកជនច្រើនជាង រវាងរដ្ឋ និងរដ្ឋ ។ ឥណ្ឌាជាមហាអំណាចសេដ្ឋកិច្ចមួយផងដែរ ដូច្នេះឥណ្ឌាមានបំណងចង់ពង្រីកសក្តានុពលសេដ្ឋកិច្ចរបស់ខ្លួនឲ្យកាន់តែខ្លាំងក្លាជាងមុន ៕
ប្រែសម្រួល៖ ថាច់ យ៉ាត
