ប្រភពព័ត៌មានពីមន្ត្រីនៅក្នុងតំបន់បានថ្លែងកាលពីថ្ងៃទី១១ ខែវិច្ឆិកា ឆ្នាំ២០១៥ថា ក្រុមឧទ្ទាមតាលីបង់១០នាក់បានទម្លាក់អាវុធរបស់ពួកគេ បោះបង់ចោលការវាយប្រហារជាមួយរដ្ឋាភិបាល និងប្រគល់អាវុធរបស់ពួកគេឲ្យទៅប៉ូលិស ស្ថិតនៅភាគខាងជើងខេត្ត Badakhshan រដ្ឋធានី Faizabad ចម្ងាយប្រមាណ៣១៥គីឡូម៉ែត្រភាគឦសានទីក្រុងកាប៊ូល ។
លោក Sakhidad Haidary ស្នងការប៉ូលិសបានប្រាប់ប្រភពស៊ីនហួថា ក្រុមឧទ្ទាមតាលីបង់១០នាក់ ដែលស្ថិតក្រោមការបញ្ជាក់ដឹកនាំរបស់មេក្រុមឈ្មោះ Ahmad Maqsoud នោះបានទម្លាក់អាវុធរបស់ពួកគេ និងបានប្រគល់ទៅឲ្យប៉ូលិសកាលពីរសៀលថ្ងៃទី១០ ខែវិច្ឆិកា ឆ្នាំ២០១៥ និងបានប្តេជ្ញាការពាររដ្ឋាភិបាលចាប់ពីពេលនេះតទៅ ។
មន្ត្រីបានអះអាងថា ក្រុមឧទ្ទាមដែលមានការឡោមព័ទ្ធនោះបានធ្វើសកម្មភាពយ៉ាងខ្លាំងក្លាប្រឆាំងសកម្មជនរដ្ឋាភិបាលអាហ្វហ្គានីស្ថានស្ថិតនៅក្នុងស្រុក Baharak ជាពិសេសកាលពី២ឆ្នាំកន្លងមកនេះ ។
ក្រុមឧទ្ទាមតាលីបង់បានធ្វើសកម្មភាពយ៉ាងអង់អាចណាស់ដែរស្ថិតនៅក្នុងខេត្ត Badakhshabn ក្នុងនោះមានស្រុក Baharak ផងដែរដែលជាទង្វើមួយមិនអាចបរិយាយបាន ៕
ប្រែសម្រួល៖ ថាច់ យ៉ាត
