ភ្នំពេញ៖ កម្លាំងគយសាខារាជធានី សហការជាមួយ គយស្នាក់ការ ខណ្ឌពោធ៏សែនជ័យ បានចុះចាបរថយន្ត ស៊េរីទំនើប២គ្រឿង អត់ពន្ធ នៅព្រឹកថ្ងៃទី១២ ខែវិច្ឆិកា ឆ្នាំ២០១៥ នៅក្នុងឃ្លាំងលក់គ្រឿងចក្រ តាមបណ្ដោយផ្លូវសហព័ន្ធរុស្សី ក្នុងសង្កាត់កាកាប ខណ្ឌពោធ៏សែនជ័យ ។
រថយន្តដែលត្រូវបានកម្លាំងគយសាខារាជធានី និងគយស្នាក់ការខណ្ឌពោធិ៍សែនជ័យចុះចាប់នោះ ទី១រថយន្តមែកសឺដេស ពណ៌ខ្មៅ ពាក់ស្លាកលេខ ខេមរភូមិន្ទ 02 2-8558 និងទី២រថយន្តរ៉ែងរ៉ូវើល ពណ៌ស អត់ស្លាកលេខ ដែលត្រូវម្ចាស់លាក់ទុកនៅក្នុងឃ្លាំងលក់គ្រឿងចក្រមួយកន្លែង ។
ក្រោយពីការឆែកឆេរនិងចាប់រថយន្តខាងលើ ត្រូវបានកម្លាំងគយយកទៅរក្សាទុកនៅអគនាយកដ្ឋានគយនិងរដ្ឋាករដើម្បីដោះស្រាយតាមនិតិវិធី ៕
ដោយ៖ សុខាសែនជ័យ
