ខេត្ដកំពង់ឆ្នាំង៖ ផ្លូវលំក្រាលក្រួស ក្រហមមួយខ្សែចេញពីផ្លូវជាតិលេខ៥ ឆ្ពោះទៅភូមិទឹកហូត ឃុំទឹកហូត ស្រុក រលាប្អៀរ ត្រូវបានទឹកហូរច្រោះ ដាច់លូ និងស្ពាន កាត់ដាច់ផ្លូវមួយកន្លែងជាង ៨ម៉ែត្រ ដោយមិនអាចធ្វើដំណើរបាន កាលពីថ្ងៃទី៨ ខែវិច្ឆិកា ឆ្នាំ២០១៥ កន្លងទៅ ហើយប្រជាពលរដ្ឋបានសំណូម ពរដល់មន្ទីរពាក់ព័ន្ធ និងអាជ្ញាធរខេត្ដ សូមមេត្ដាជួយជួសជុលនិងដាក់លូទឹក នៅចំណុចដែលរងការខូចខាតនេះផង ដើម្បីឱ្យសិស្សសាលា និងប្រជាពលរដ្ឋ បានធ្វើដំណើរឡើងវិញ ។
លោក សោម វឺន អភិបាលស្រុក រលាប្អៀរបានឱ្យដឹងថា ផ្លូវដែលដាច់ មួយកន្លែងមិនអាចឱ្យធ្វើដំណើរបាន នោះ គឺនៅចំណុចភូមិត្រញំងក្រពើ ឃុំ ទឹកហូត ជាកន្លែងមានលូបង្ហូរទឹក តែ កាលពីថ្ងៃទី៨ ខែវិច្ឆិកា ឆ្នាំ២០១៥ ត្រូវ បានទឹកហូរច្រោះដាច់លូនិងដាច់ផ្លូវ អស់ប្រវែងប្រមាណ៨ម៉ែត្រ មិនអាចធ្វើ ដំណើរបានពិសេសក្មេងៗទៅសាលារៀន ។
ដោយសារតែបែបនេះនៅរសៀលថ្ងៃទី១០ ខែវិច្ឆិកា ឆ្នាំ២០១៥ លោក និងលោក ស្រី វិសាល ប្រធានក្រុមការងារគណបក្ស ប្រជាជនកម្ពុជាបានដឹកនាំប្រជាពលរដ្ឋ រួមគ្នាកសាងស្ពានឈើមួយជាបណ្ដោះ អាសន្ន ដើម្បីឱ្យប្រជាពលរដ្ឋ និងសិស្ស បានធ្វើដំណើរទៅសាលារៀន ។
ស្ពាននេះត្រូវបានប្រជាពលរដ្ឋបាន នាំគ្នាកាប់ដើមប្រេងខ្យល់ ដើមអាកាស្យា ដែលមានតាមផ្ទះមកធ្វើជាសសរធ្វើជា មេស្ពាននិងធ្វើជារនូតបន្ទាប់មកក្រាលក្ដារ គ្រាន់តែសម្រាប់ចុះបណ្ដើរកង់ ម៉ូតូឆ្លងកាត់បានតែប៉ុណ្ណោះមិនអាចឱ្យ រថយន្ដឬគោយន្ដបើកបរឆ្លងកាត់បាន ឡើយ ។
ដោយសារតែបែបនេះហើយទើប ប្រជាពលរដ្ឋ និងអាជ្ញាធរមូលដ្ឋានស្នើ សុំដល់មន្ទីរពាក់ព័ន្ឋពិសេសលោកអភិ បាលខេត្ដ មេត្ដាជួយជួសជុលផ្លូវដាច់ នៅចំណុចខាងលើនេះផងដោយសុំឱ្យធ្វើជាស្ពានបេតុង និងធ្វើលូបង្ហូរទឹកដែល អាចធ្វើដំណើរបានទាំងរថយន្ដនិងគោ យន្ដ ព្រោះថាប្រជាពលរដ្ឋធ្លាប់ដឹក ជញ្ជូនកសិផលផ្សេងៗ និងស្រូវអង្ករ ឆ្លងកាត់ស្ពាននោះជាប្រចាំ ពិសេសជិត ដល់រដូវច្រូតកាត់ស្រូវវស្សាដែលពួក គាត់ត្រូវប្រើគោយន្ដរទេះគោដឹកជញ្ជូន ប្រមូលផលស្រូវ ។
រហូតមកដល់ពេលនេះគេមិនឃើញខាងមន្ទីរសាធារណការខេត្ដបញ្ជូនមន្ដ្រីជំនាញទៅពិនិត្យមើលផ្លូវដាច់នេះឡើយ ៕
ដោយ៖ ហេង នរិន្ទ្រ
