ភ្នំពេញ៖ សហព័ន្ធកីឡាបាល់ទាត់ កម្ពុជាបានត្រៀមរឹតបន្ដឹងសន្ដិសុខ សុវត្ថិភាពក្នុងបរិវេណពហុកីឡដ្ឋានជាតិ និងនៅជុំវិញទីលានបាល់ទាត់ ជាពិសេស នៅវេលាម៉ោង៥ល្ងាចថ្ងៃទី១៣ ខែវិច្ឆិកា ឆ្នាំ២០១៥ នៅអាកាសយានដ្ឋានអន្ដរ ជាតិភ្នំពេញក៏មានការរឹតបន្ដឹងសន្ដិសុខ ជូនដល់ក្រុមជម្រើសជាតិជប៉ុនផងដែរ ។
លោក ចាន់ មិថុនា មន្ដ្រីព័ត៌មាន របស់សហព័ន្ធកីឡាបាល់ទាត់កម្ពុជាបាន ឱ្យដឹងថា នៅល្ងាចថ្ងៃទី១៣ ខែវិច្ឆិកា ក្រុមជម្រើសជាតិជប៉ុនបានមកដល់ ប្រទេសកម្ពុជា ក្នុងនោះប្រធានសហព័ន្ធ ក៏បានរៀបចំក្បួនរថយន្ដ និងម៉ូតូសឺរ៉ែន ដើម្បីបើកផ្លូវចរាចរណ៍ ព្រមទាំងការ ការពារសន្ដិសុខសុវត្ថិភាពតាមដងផ្លូវ ផងដែរ ។
ក្រៅពីម៉ូតូសឺរ៉ែនបើកផ្លូវពីអាកាស យានដ្ឋានអន្ដរជាតិភ្នំពេញទៅសណ្ឋាគារ ស្នាក់នៅរបស់ក្រុមជម្រើសជាតិជប៉ុន នៅថ្ងៃបន្ដបន្ទាប់ដែលក្រុមជប៉ុនមក ហ្វឹកហាត់មុនឈានដល់ការប្រកួតជា មួយក្រុមម្ចាស់ផ្ទះកម្ពុជានាយប់ថ្ងៃទី ១៧ ខែវិច្ឆិកា ឆ្នាំ២០១៥ នៅក្នុងពហុ កីឡដ្ឋានជាតិអូឡាំពិកកម្ពុជាក៏បានដាក់ កម្លាំងការពារសន្ដិសុខខុសពីធម្មតា ផងដែរ ។
លោក ចាន់ មិថុនា បានបន្ដថា មុន ដល់ពេលប្រកួតក្រុមជម្រើសជាតិជប៉ុន នឹងមកហ្វឹកហាត់នៅពហុកីឡដ្ឋានជាតិ រាល់ម៉ោងហ្វឹកហាត់មិនត្រូវបានអនុ ញ្ញាតឱ្យប្រជាពលរដ្ឋឡើងទៅហាត់ប្រាណ នៅលើបរិវេណជុំវិញទីលាននោះទេ ។
គួររំលឹកថា ការប្រកួតបាល់ទាត់វគ្គ ជម្រុះជុំទី២ ជើងទី២តំបន់អាស៊ីឆ្ពោះទៅ ការប្រកួត World Cup 2018 eនៅ ប្រទេសរុស្ស៊ីក្រុមជម្រើសជាតិជប៉ុនបាន ប្រកួតឈ្នះក្រុមជម្រើសជាតិកម្ពុជា ក្នុងលទ្ធផល ៣-០ ។ រីឯក្រុមជម្រើស ជាតិកម្ពុជាលេងចាញ់ក្រុមអាហ្វហ្គានី ស្ថាន ៣-០ កាលពីថ្ងៃទី១២ ខែវិច្ឆិកា ឆ្នាំ២០១៥កន្លងទៅ ។ ចំពោះជំនួបប្រកួត រវាងក្រុមម្ចាស់កម្ពុជានឹងក្រុមជម្រើស ជប៉ុននាយប់ថ្ងៃទី១៧ ខែវិច្ឆិកានេះ អនុ ប្រធានសហព័ន្ធកីឡាបាល់ទាត់ជប៉ុន លោក កូហ្ស៊ូ តាស៊ីម៉ា សង្ឃឹមថា វត្ដ មានក្រុមទាំង២នៅលើទឹកដីកម្ពុជាអាច នឹងមានអ្នកគាំទ្រជាង៥ម៉ឺននាក់ ខណៈ ដែលជំនួបនៅលើទឹកដីជប៉ុនមានអ្នក ចូលទស្សនាប្រមាណ៣ម៉ឺននាក់ ។ លោក បានហៅការគាំទ្រក្នុងប្រទេសកម្ពុជាថា ជាសញ្ញាដ៏ល្អមួយជួយឱ្យការអភិវឌ្ឍន៍ វិស័យកីឡាបាល់ទាត់កម្ពុជារីកចម្រើន បានឆាប់រហ័សតាមរយៈការលក់សំបុត្រ ចូលទស្សនា ។
ការកត់សម្គាល់របស់អនុប្រធាន សហព័ន្ធកីឡាបាល់ទាត់ជប៉ុនខាងលើ ស្របពេលដែលសហព័ន្ធកីឡាបាល់ទាត់ កម្ពុជាកំពុងស្វះស្វែងពង្រឹងយុវជនថ្នាល និងក្រុមជម្រើសជាតិដើម្បីត្រៀមលក្ខណៈ ធ្វើជាម្ចាស់ផ្ទះកីឡាស៊ីហ្គេមលើកទី៣២ ឆ្នាំ២០២៣ ។
នៅក្នុងសន្និសីទសារព័ត៌ មានកាលពីថ្ងៃទី៤ ខែវិច្ឆិកា ឆ្នាំ២០១៥ កន្លងទៅអនុប្រធានសហព័ទ្ធកីឡាបាល់ ទាត់កម្ពុជានិងអនុប្រធានសហព័ន្ធកីឡា បាល់ទាត់ជប៉ុនហាក់បានបង្ហាញពីសហ ប្រតិបត្ដិការរវាងប្រទេសទាំង២យ៉ាង ស្អិតល្ម្មួតធ្វើឱ្យអ្នកតាមដានសកម្មភាព កីឡាក្នុងស្រុកចាត់ទុកថា នេះជាពន្លឺថ្មី មួយសម្រាប់កម្ពុជាដែលបានចាប់ដៃគូ ជាមួយសហព័ន្ធដ៏ល្បីនៅទ្វីបអាស៊ី ដូច្នេះ កម្ពុជាអាចរីកចម្រើនទៅបានលើវិស័យ បាល់ទាត់នៅពេលដ៏ខ្លីខាងមុខ ៕
ដោយ៖ សារីម
