ខេត្ដក្រចេះ៖ រយៈពេលពេញមួយ ថ្ងៃទី១២ ខែវិច្ឆកា ឆ្នាំ២០១៥ ខណ្ឌរដ្ឋ បាលជលផលក្រចេះបានសហការជា មួយកម្លាំងជលផលនៃអធិការដ្ឋានរដ្ឋ បាលជលផលមេគង្គ, អធិការដ្ឋាននគរ បាលស្រុកព្រែកប្រសព្វ, កងរាជអាវុធ ហត្ថស្រុកនិងអាជ្ញាធរឃុំឬស្សីកែវព្រម ទាំងសហគមន៍នេសាទបានចុះប្រតិបត្ដិការទប់ស្កាត់និងបង្ក្រាបបទល្មើសជល ផលនៅចំណុចតាមដងព្រែកបឹងរៃនិង ក្នុងបឹងវែង ស្ថិតនៅក្នុងឃុំឫស្សីកែវ ស្រុកព្រែកប្រសព្វ ខេត្ដក្រចេះ ។
តាមប្រជាពលរដ្ឋនិងសហគមន៍ នេសាទបានឱ្យដឹងថា ជារៀងរាល់ឆ្នាំដល់ រដូវទឹកសម្រក់នេះគឺជាពេលដែលប្រជាកសិករបង្កបង្កើនផលនិងធ្វើស្រែប្រាំង ហើយក៏ជាពេលដែលហ្វូងត្រីធំតូចកំពុងចរាចរណ៍ចេញពីបឹងចុះទៅទន្លេជាហេតុធ្វើឱ្យអ្នកនេសាទមួយចំនួនឆ្លៀតឱកាស ប្រើប្រាស់ឧបករណ៍ខុសច្បាប់ដើម្បីចាប់ត្រីដូចជា ឧបករណ៍ឆក់ត្រី ស្បៃមុង អួនក្រលាញឹក លបណរ៉ាវ និងដាយ ត្រីតាមដងព្រែកជាដើមជាហេតុបណ្ដាល ឱ្យមានការស្ទះទឹកប៉ះពាល់ដល់ការបង្ក បង្កើនផលរបស់កសិករនិងបានបង្កម ហន្ដរាយដល់ធនធានជលផលក្នុងធម្មជាតិ ។
លោក ម៉ុក ពន្លក នាយរងខណ្ឌរដ្ឋ បាលជលផលក្រចេះដែលបានដឹកនាំ កម្លាំងមន្ដ្រីជលផលចម្រុះចុះប្រតិបត្ដិ ការពេលនេះបានបញ្ជាក់ឱ្យដឹងថា ការចុះ បង្ក្រាបបទល្មើសខាងលើគឺធ្វើដូចភ្លៀង រលឹមបើទោះជាពេលនេះជារដូវបើក នេសាទហើយយ៉ាងណាក្ដី។ ជាមួយគ្នា នេះដែរក្នុងការចុះទប់ស្កាត់និងបង្ក្រាប បទល្មើសជលផលខាងលើគឺក្រោមការ ផ្ដល់អនុសាសន៍យ៉ាងខ្ពង់ខ្ពស់ពីលោក សរ ចំរុង អភិបាលខេត្ដក្រចេះនិងដោយ មានការចង្អុលបង្ហាញពីនាយអធិការរដ្ឋបាលជលផលមេគង្គនិងលោក សៀន គិន នាយខណ្ឌរដ្ឋបាលជលផលក្រចេះ ។
បើតាមលោកនាយរងខណ្ឌរូបនេះ ក្នុងការចុះបង្ក្រាបពេញមួយថ្ងៃម្សិលមិញ សមត្ថកិច្ចចម្រុះបានឃាត់ចាប់និងរឹប អូសវត្ថុតាងមួយចំនួនរួមមាន ដោយ ចាប់ត្រីចំនួន១វង់ទំហំ៨ម៉ែត្របណ្ដោយ២៥ម៉ែត្រ ក្រលា១,៥ទៅ៦សង់ទីម៉ែត្រ។ រុះរើនិងបំផ្លាញចោលរបាំងសាច់អួន លបណរ៉ាវចំនួន៤កន្លែងមានប្រវែង ជាង១ពាន់ម៉ែត្រ ក្រលា៨ម៉ែត្រទៅ ១០ម៉ែត្រលបសាច់អួននីឡុងចំនួន១៦ គ្រឿងបង្គោលឫស្សី២៥៩ដើមចាក់ លែងត្រីចម្រុះចូលបឹងជិត២០០គីឡូក្រាម ។
បច្ចុប្បន្នវត្ថុតាងទាំងអស់ខាងលើ ត្រូវបានដឹកមករក្សាទុកនៅផ្នែករដ្ឋបាលជលផលព្រែកប្រសព្វដើម្បីកសាងសំណុំរឿងនិងចាត់ការតាមច្បាប់ស្ដីពីជលផល ៕
ដោយ៖ ហេង សូរិយា
