ភ្នំពេញ ៖ ពិតជាមានមោទនភាពណាស់ ខណៈព្រះជាណាចក្រកម្ពុជាចូលជាសមាជិកពេញអង្គនៃអង្គការសហប្រជាជាតិ (ECOSOC) ដោយកម្ពុជាទទួលបានសំឡេងគាំទ្រ ១៨៣សំឡេង លើ១៨៦សំឡេង ដែលជាសំឡេងគាំទ្រយ៉ាងខ្ពស់បំផុត ។ នេះជាជោគជ័យដ៏អស្ចារ្យ របស់ថ្នាក់ដឹកនាំនិងប្រជាជនខ្មែរ ដ៏ប្រសើរលើឆាកអន្តរជាតិ។
កិច្ចប្រជុំប្រព្រឹត្តធ្វើឡើង នៅទីស្នាក់ ការកណ្តាលរបស់អង្គការសហប្រជាជាតិ បុរីញ៉ូយ៉ក សហរដ្ឋអាមេរិក មានរយៈពេល៣ថ្ងៃ គឺចាប់ពីថ្ងៃទី១២ ដល់ ទី១៤ ខែមិថុនា ឆ្នាំ២០១៨នេះ ក្រោមប្រធានបទ «មិនអនុញ្ញាតឱ្យមាននរណាម្នាក់នៅពីក្រោយតាមរយៈការអនុវត្តយ៉ាងពេញលេញនៃអនុសញ្ញាស្តីពីសិទ្ធិជនមានពិការភាព» គឺជាប្រធានបទដែលអង្គការសហប្រជាជាតិបានកំណត់យក។
សូមជម្រាបថា ព្រះរាជាណាចក្រកម្ពុជា ទទួលបានការបោះឆ្នោតគាំទ្រ ចំនួន១៨៣សម្លេង លើ១៨៦សំឡេង ពីសមាជិក សមាជិការនៃពិធីទាំងមូលដើម្បីចូលជាសមាជិក ECOSOC នៃអង្គការសហប្រជាជាតិ ដែលជាកិច្ចជុំលើកទី ១១នៃរដ្ឋភាគីនៃអនុសញ្ញាស្តីពីសិទ្ធិជនមានពិការភាព ប្រព្រឹត្តទៅរយៈពេល ៣ថ្ងៃ គឺចាប់ពីថ្ងៃទី១២ ដល់ ទី១៤ ខែមិថុនា ឆ្នាំ២០១៨៕ នគរដ្រេហ្គន
