ជនដៃដល់បាញ់ប្រហារនៅ រដ្ឋញ៉ូវ ជឺស៊ី អាមេរិក ត្រូវបានប៉ូលិសបាញ់សម្លាប់ ។ កម្លាំងសន្តិសុខនៅក្នុងតំបន់បានបញ្ចាក់ថា ហេតុការបាញ់ប្រហារខាងលើមិនជាប់ពាក់ព័ន្ធនឹងសកម្មភាពវាយប្រហារភេរវកម្មនោះឡើយ។
សារព័ត៌មានCNN បានផ្សាយថា មានមនុស្ស ២២នាក់ រងរបួស ក្នុងនោះមានកុមារអាយុ១៣ឆ្នាំ ម្នាក់ នៅក្នុងហេតុការបាញ់ប្រហារនៅទីក្រុង Trenton ក្នុងរដ្ឋ New Jersey កាលពីថ្ងៃទី១៧ខែមិថុនា ។ សាក្សីនៅកន្លែងកើតហេតុបានឲ្យដឹងថា ការបាញ់ប្រហារកើតឡើងនៅវេលាម៉ោង ២និង៤៥នាទីព្រឹក។
ជនដៃដល់ ឈ្មោះ Tahiji Wells អាយុ៣៣ឆ្នាំបានស្លាប់នៅកន្លែងកើតហេតុ ដោយការបាញ់ប្រហារពីកម្លាំងប៉ូលិស ។ ជនដៃដល់ទើបតែចេញពីគុក ពីបទសម្លាប់មនុស្ស ។ ប៉ូលិសក៏បានចាប់ជនទីពីរឈ្មោះ Amir Armstrong អាយុ ២៣ឆ្នាំ ដែលបានប្រើប្រាសស់អាវុធខុសច្បាប់។
ជនរង្គ្រោះ១៧នាក់ក្នុងចំណោម២២នាក់ត្រូវបានបញ្ចូនទៅកាន់មន្ទីពេទ្យ ក្នុងតំបន់ ។ចំណែកក្មេង ប្រុសអាយុ ១៣ឆ្នាំ បានរួចផុតពីក្តីស្លាប់ ប៉ុន្តែនៅមានជនរង្គ្រោះម្នាក់ទៀត ស្ថិតនៅក្នុងសភាពគ្រោះថ្នាក់សង្គ្រោះបន្ទាន់ ។
នៅពេលនេះប៉ូលិសមិនទាន់សួរចម្លើយ បក្ខពួក ដែលចាប់បាននៅឡើយទេ។ប៉ូលិសក៏បានឡោមព័ទអាគា Roebling wire Works ដែលជាទីតាំរៀបចំពិធី បុណ្យសីល្បៈខាងលើ។
ប៉ូលិសបានបញ្ចាក់ថា ហេតុការបាញ់ប្រហារខាងលើគឺជាប់ពាក់ព័ន្ធនិង ក្រុងមសង្គមងងឹត មិនមែនការវាយប្រហារភេរវកម្មនោះឡើយ។ នៅពេលបាញ់ប្រហារកើតឡើង មានមនុស្សចូលរួមប្រមាន១០០០នាក់ ៕
