ក្រុងប៉ោយប៉ែត៖ ក្រុមជាងកាត់ដេរ សម្លៀកបំពាក់ប្រមាណ១០នាក់បានក្អួត ចង្អោរនិងរាគរួសពេញផ្ទះស្ទើរស្លាប់ ស្ទើររស់បន្ទាប់ពីនាំគ្នាបុកល្ហុងបុក ជាមួយក្ដាមប្រៃហូប ។
គ្រូពេទ្យបានហៅ ការក្អួត ចង្អោរ រាគរួស ខាងលើនេះថា ជាករណីពុលក្ដាម ប្រៃ។ ករណីក្រុមជាងកាត់ដេរសម្លៀក បំពាក់ពុលក្ដាមប្រៃនេះបានបង្កឡើងនៅ វេលាម៉ោង១រំលងអធ្រាត្រឈានចូលថ្ងៃទី១៨ ខែវិច្ឆិកា ឆ្នាំ២០១៥ នៅខាង ក្រោយហាងខារ៉ាអូខេK1 ស្ថិតនៅភូមិ ក្បាលស្ពាន១ សង្កាត់-ក្រុងប៉ោយប៉ែត ខេត្ដបន្ទាយមានជ័យ ។
សាច់ញាតិជនរងគ្រោះមិនបានប្រាប់ អត្ដសញ្ញាណជនរងគ្រោះទេ តែបាន ប្រាប់ថា កាលពីល្ងាចថ្ងៃទី១៧ ខែវិច្ឆិកា ឆ្នាំ២០១៥ ក្រុមជាងដេរបាននាំគ្នាទិញ ល្ហុងមកជួសបុកជាមួយក្ដាមនឹងក្ដាម ប្រៃដែលបងប្អូនបានផ្ញើរពីស្រុកកំណើត នៅខេត្ដកំពង់ចាម ។ បន្ទាប់ពីពួកគេ បានហូបល្ហុងបុកជាមួយក្ដាមប្រៃរួច ហើយនោះម្នាក់ៗចេះតែមានអាការក្អួតចង្អោរ ទន់ដៃទន់ជើង និងអ្នកខ្លះទៀត មានអាការរាគរួសថែមទៀត។ នៅពេល នោះជនរងគ្រោះពុំបានចាប់អារម្មណ៍ នោះទេ ដោយអាការមានសភាពនិង ចេះតែធ្វើឱ្យជនរងគ្រោះអស់កម្លាំងក៏នាំ គ្នាដេករៀងៗខ្លួន។ រហូតដល់ម៉ោង១ រំលងអធ្រាត្រ អាការកាន់តែមានការ រាគរួសទ្រាំលែងបានក្រុមជាងដេរខាង លើនេះបាននាំគ្នារត់រកគ្លិនិកឯកជននៅ ខាងក្រោយម្ដុំហាងខាងរ៉ាអូខេK1 ដើម្បី ឱ្យគ្រូពេទ្យដាក់សេរ៉ូមនិងចាក់ថ្នាំ ។
ក្រុមគ្រួសារជនរងគ្រោះបានឱ្យដឹង ទៀតថា រហូតមកដល់រសៀលថ្ងៃទី១៨ ជាងដេរប្រុស៥នាក់ ស្រី៣នាក់ នៅពុំ ទាន់ធូរស្រាលពីអាការពុលនៅឡើយទេ មានតែ២នាក់ប៉ុណ្ណោះបានគ្រាន់បើ ។
តាមលោកគ្រូពេទ្យនិយាយថា ជន រងគ្រោះទាំង១០នាក់នេះ ប្រសិនបើមក ព្យាបាលមិនទាន់ពេលវេលានោះទេ អាចនឹងបាត់បង់ជីវិត។ ការពុលក្ដាម ប្រៃនេះអាចបណ្ដាលមកពីក្ដាមប្រៃ ដែលពួកគាត់នាំគ្នាបុកហូបនេះគឺក្ដាម ប្រៃដែលគេចាប់ក្នុងស្រែពេលដែល មានការបាញ់ថ្នាំស្រូវ។ មួយវិញទៀត គ្មានអនាម័យពេលយកទៅត្រាំទុករយៈ ពេលយូរថ្ងៃក៏ថាបាន ។
លោកគ្រូពេទ្យបានបញ្ជាក់ថា អាការ ពុលក្ដាមប្រៃជំហ៊ានដំបូងគឺ ក្អួត រាគ ក្ដៅខ្លួនរហូតញាក់និងឈឺក្បាលខ្លាំង ហើយបើមិនមានការព្យាបាលទាន់ពេល ទេនោះជនរងគ្រោះអាចត្រូវបាត់បង់ជីវិត ។
គួរបញ្ជាក់ថា ករណីពុលក្ដាមប្រៃនេះ មិនមែនជាលើកទី១ទេ គឺបានកើតឡើង ជាញឹកញាប់ធ្វើឱ្យមានប្រជាពលរដ្ឋមួយ ចំនួនតូចស្លាប់ទៀតផង។ ការពុលបែប នេះព្រោះតែជនរងគ្រោះហូបចុកមិន មានអនាម័យ ៕
ដោយ៖ វណ្ណា