ភ្នំពេញ៖ គ្រូបង្វឹកក្រុមជម្រើសជាតិ ជប៉ុនបានថ្លែងការកោតសរសើរដល់ ក្រុមកីឡាករបាល់ទាត់ជម្រើសរើសជាតិកម្ពុជាថាពួកគេមានឆន្ទៈសម្រាប់ការ ពារនិងប្រយុទ្ធក្រោយទទួលបាល់បានពី ភាគីដៃគូ ប៉ុន្ដែលោក Vahid Halil-hodzic ក៏បានសារភាពនៅចំពោះមុខ ក្រុមអ្នកសារព័ត៌មានថា លទ្ធផលដែល ក្រុមជម្រើសជាតិជប៉ុនឈ្នះ ២-០ លើ ក្រុមជម្រើសជាតិកម្ពុជាបណ្ដាលមកពី រូបលោកព្យាយាមដាក់កីឡាករមិនធ្លាប់បានលេងចូលគ្នាពីមុនមក ។
លោក Vahid Halilhodzic បាន និយាយនៅក្នុងសន្និសីទសារព័ត៌មាន កាលពីរាត្រីថ្ងៃទី១៧ ខែវិច្ឆិកា ឆ្នាំ២០១៥ ក្រោយក្រុមជម្រើសជាតិជប៉ុនយកឈ្នះ ក្រុមជម្រើសជាតិកម្ពុជា ២-០ ទៅកាន់ គ្រូបង្ហាត់នៅអាស៊ីថាគ្រូៗបង្វឹកបាល់ ទាត់ក្នុងទ្វីបអាស៊ីទាំងអស់គួរភ្ញាក់រលឹក ឡើងកម្រិតបាល់ទាត់អាស៊ីមិនទាន់ អាចប្រកួតប្រជែងជាមួយក្រុមនៅអឺរ៉ុបបានទេ ។ បើចង់ឱ្យកីឡាកររបស់អ្នក ឈានជើងចូលរួមប្រកួតជាមួយក្រុម នៅតំបន់អឺរ៉ុបបាននោះអ្នកត្រូវតែចាប់ ផ្ដើមពង្រឹកសមត្ថភាពកីឡាកររបស់អ្នកឱ្យបានខ្លាំងជាងនេះបន្ថែមទៀត ។
លោកបានបន្ដទៀតថា ខ្ញុំសូមកោត សរសើរដល់ក្រុមជម្រើសជាតិកម្ពុជា ទាំងអស់ដែលមានភាពក្លាហានក្នុង សកម្មភាពការពារហើយនិងវាយបក ទៅលើភាគីដៃគូវិញនៅពេលដែលខ្លួន ដណ្ដើមបានបាល់ម្ដងៗ ប៉ុន្ដែបាល់កម្ពុជា នៅមានកម្រិតនៅឡើយ ដូច្នេះខ្ញុំនិយាយ ខាងលើមិនចំពោះតែគ្រូបង្វឹកជម្រើស ជាតិកម្ពុជានោះទេ ។
លោក Vahid Halilhodzic បាន បន្ដថា ខ្ញុំសូមសារភាពចំពោះលទ្ធផល ដែលក្រុមជប៉ុនយកឈ្នះក្រុមកម្ពុជា ត្រឹម ២-០ ដោយសារខ្ញុំបានព្យាយាម ដាក់កីឡាករដែលពុំធ្លាប់លេងជាមួយ គ្នានៅតង់ទី១ច្រើនហើយលទ្ធផលប្រកួតបានត្រឹម ០-០ ប៉ុណ្ណោះ ។ គ្រូបង្វឹករូប នេះបានអះអាងថា បន្ទាប់ពីបញ្ចប់ការ ប្រកួតក្នុងតង់ទី១ខ្ញុំក៏ណែនាំទៅកូនក្រុម របស់ខ្ញុំឱ្យពួកគេព្យាយាមរត់ពីខាង ក្រោយខ្នងខ្សែការពាររបស់ក្រុមជម្រើស ជាតិកម្ពុជាដើម្បីរកឱកាសទាត់បាល់ បញ្ចូលទីឱ្យច្រើន ។
ដូច្នេះនៅតង់ទី២ពួកគេធ្វើបានល្អ វិញហើយខ្ញុំសន្យាថាសម្រាប់ការប្រកួត លើកក្រោយៗទៀតខ្ញុំនឹងព្យាយាមដាក់ កីឡាករល្អៗដើម្បីពួកគេរកគ្រាប់បាល់ឱ្យបានច្រើនជាងនេះ ៕
ដោយ៖ សារីម
