ប្រជាពលរដ្ឋរស់នៅឃុំកំពង់ត្រាច ស្រុករមាសហែកសុំអំពាវនាវដល់អាជ្ញាធរមូលដ្ឋានស្រុករមាសហែកមេត្តាជួយអន្តរាគមន៍ចាក់ដីជួសជុលផ្លូវលេខ១០ត្រង់ចំណុចភូមិកំពង់ត្រាចឲ្យប្រជាពលរដ្ឋសិស្សានុសិស្សបានធ្វើដំណើរទៅរៀននិងទៅព្យាបាលជម្ងឺនៅមន្ទីរពេទ្យបានស្រួល ។

ប្រជាពលរដ្ឋបានឲ្យដឹងថាចាប់តាំងមានភ្លៀងធ្លាក់ញឹកញាប់មកផ្លូនថ្នល់លេខ១០នៅចំណុចភូមិកំពង់ត្រាចនេះរងការខូចខាតយ៉ាងដំណំ
ដោយសារមានរថយន្តយីឌុបភ្លៅប្រាំ ធុនយក្សដឹកស្រូវចាប់ពី៣០តោនឡើងទៅចរាចរណ៍ទាំងយប់ទាំងថ្ងៃ ហើយក៏មានរថយន្តដឹកឈើឆ្លងកាត់ដែរនិងរថយន្តដឹកគ្រឿងសំណង់ខ្សាច់ថ្ម ទើបបណ្តាលឲ្យស្រុតខូចផ្លូវអស់ក្លាយជារណ្តៅដក់ទឹកនិងភក់ល្បាប់រអិលពិបាកការធ្វើដំណើរយ៉ាងខ្លាំងជាពិសេសពេលមានស្ត្រីឆ្លងទន្លេនៅពេលយប់ត្រូវសង្គ្រោះបន្ទាន់និងក្មេងជិះកង់ម៉ូតូទៅសាលារៀនខណៈដែលមន្ត្រីនគរបាលវិញស្រុកវិញឃើញដាក់កម្លាំងឃាត់រថយន្តដឹកស្រូវទាំងនោះហើយមិនដឹងថាចាប់ផាកពិនយ័ឬគ្រាន់តែចាប់ឲ្យបង់ប្រាក់ដាក់ហោបៅឬក៏ចែកគ្នាដាក់ហោប៉ៅ ។

ពាក់ពន្ធ័និងករណីនេះលោក សំសំអុល អធិការនៃអធិការដ្ឋាននគរបាលស្រុករមាសហែកបានបំភ្លឺថាគឺសមត្ថកិច្ចនគរបាលចរាចរណ៍ស្រុករមាសហែកបានដាក់កម្លាំងចុះត្រួតពិនិត្យយានយន្តតែប៉ុណ្ណោះដោយត្រួតពិនិត្យដូចជា រកបណ្ណ័បើកបរ ពិនិត្យឈៀក(សៀវភៅត្រួតពិនិត្យបច្ចេកទេសយានយន្ត)និងពិនិត្យការធ្វើអជីវកម្ម ដោយមិនបានដាក់កុងត្រូលយកប្រាក់ដូការចោទប្រកាន់នោះឡើយ ។

លោកអធិការបន្តថាហើយចំពោះផ្លូវនេះលោកពេញជាអភិបាលស្រុករមាសហែកបានដាក់គម្រោងស្នើសុំជួសជុលក្រាលក្រួសក្រហមហើយលោកប្រធានមន្ទីរសាធារណៈការនិងដឹកជញ្ជូនខេត្តក៏បានរៀបចំជួសជុលនិងដាក់លូបណ្តោះទឹកបណ្ដើរៗផងដែរ ៕