បន្ទាយមានជ័យ ៖ ពិតជាអាសូរណាស់ ! កសិករម្នាក់បានស្លាប់ដោយខ្យល់គដួលលង់ទឹក ខណ:កំពុងច្រូតស្រូវដែលរងគ្រោះដោយទឹកជំនន់កាលពីរសៀលថ្ងៃទី១០ ខែសីហា ចំណុចវាលស្រែដង្កៀបក្តាមនៅឃុំរហាត់ទឹក ស្រុកមង្គលបូរី ខេត្តបន្ទាយមានជ័យ ។
ពលកងទ័ពនៃកងពលតូចថ្មើរជើងលេខ៥១ ឱ្យដឹងថាកសិករជនរងគ្រោះមានឈ្មោះ វឹង សារ៉ែម ភេទប្រុស អាយុ៣៥ឆ្នាំ រស់នៅភូមិចកខាងលិច ឃុំរហាត់ទឹក ស្រុមង្គលបូរី ខេត្តបន្ទាយមានជ័យ។
កងទ័ពបន្តថានៅមុនពេលកើតហេតុជនរងគ្រោះជាម្ចាស់ស្រែបានកំពុងច្រូតស្រូវជាមួយកម្លាំងកងពលថ្មើរជើងលេខ៥១ ហើយក៏កេីតខ្យល់គ ដួលលង់ឈ្លក់ទឹកបណ្តាលឱ្យស្លាប់ ។
កម្លាំងកងពលថ្មើរជើងលេខ៥១ខិតខំជួយសង្គ្រោះជាបន្ទាន់ ហើយដឹកតាមកាណូតលឿនយកមកភូមិ ប៉ុន្តែមិនអាចសង្គ្រោះបានឡើយ ៕
...
