ភ្នំពេញ ៖ ជនសង្ស័យប្រុសស្រីចំនួន៥នាក់ត្រូវបានសមត្ថកិច្ចនគរបាលប៉ុស្តិ៍រដ្ឋបាលទឹកថ្លាធ្វេីការឃាត់ខ្លួនករណីផ្សេងគ្នា គឺទី១ចោទពីបទប៉ុនប៉ងប្រេីប្រាស់គ្រឿងញៀន ទី២ចោទពីបទយកកាំបិតភ្ជុងគម្រាមយកប្រាក់ ។

ការឃាត់ខ្លួននេះបានធ្វេីឡេីងកាលពីវេលាម៉ោង០២ និង៣០នាទីរសៀលថ្ងៃទី២៣ ខែវិច្ឆិកា ឆ្នាំ២០១៥នៅចំណុចក្រុម១០ ភូមិត្រពាំងឈូក សង្កាត់ទឹថ្លា ខណ្ឌសែនសុខ ។

សមត្ថកិច្ចបានអោយដឹងថា ជនសង្ស័យដែលឃាត់ខ្លួន ទី១ឈ្មោះ ស៊ុន ដារ៉ា វុទ្ធ ភេទប្រុស អាយុ២៦ឆ្នាំ មុខរបរធ្វេីសំណង់ ស្នាក់នៅផ្ទះជួល ក្រុម១០ភូមិត្រពាំងឈូក សង្កាត់ទឹកថ្លា ខណ្ឌសែនសុខ ទី២ឈ្មោះ គាន ម៉ារី ភេទស្រី អាយុ២៥ឆ្នាំមុខរបរធ្វេីការនៅក្នុងក្លឹបអាវ៉ាឡន ស្នាក់នៅផ្ទះជួលភូមិត្រពាំឈូក សង្កាត់ទឹថ្លា ខណ្ឌសែនសុខ មានស្រុកកំណេីត ភូមិកំពង់បឹង ឃុំមាន ស្រុកអូរាំងឪ ខេត្តកំពង់ចាម ទាំង២នាក់នេះមសត្ថកិច្ចចោទពីបទយកកាំបិតភ្ជុងគំរាមយកប្រាក់។ ទី៣មានឈ្មោះ នួន នាង ភេទប្រុស អាយុ១៧ឆ្នាំ កម្មករធ្វេីគ្រឿងសង្ហារឹម ទី៤ឈ្មោះ​ នី វិចិត្ត ភេទប្រុស អាយុ១៩ឆ្នាំ មុខរបរកម្មករជុសជុលរថយន្ត អ្នកទាំងពីរនេះស្នាក់នៅភូមិឆ្នួលជ្រុំ ឃុំទឹកល្អក់ ស្រុកគងពីសី ខេត្តកំពង់ស្ពឺ និងទី៥ឈ្មោះ សុខ នៅ ភេទប្រុស អាយុ១៨ឆ្នាំ បុខរបរមិនពិតប្រកដ ស្នាក់នៅភូមិត្រពាំងរងៀង ឃុំពេីក ស្រុកអង្គស្នួល ខេត្តកណ្តាល ទាំង៣នាក់នេះសមត្ថកិច្ចចោទពីបទប៉ុនប៉ងប្រេីប្រាស់គ្រឿងញៀន ។

សមត្ថកិច្ចបានអោយដឹងទៀតថា នៅមុនពេលកេីតហេតុក្រុមជនសង្ស័យខាងលេីមានគ្នា៣នាក់បានជិះម៉ូតូ១គ្រឿងម៉ាកហុងដាសេ១២៥ ស៊េរីឆ្នាំ២០១៤ ពណ៍ខ្មៅពាក់ស្លាកលេខកណ្តាល1C-3448ក្នុងគោលបំណងចូលទៅទិញថ្នាំញៀននៅភូមិត្រពាំងឈូក លុះជិះចូលទៅដល់ក៍មានក្រុមជនល្មើសមានគ្នា៣នាក់ ប្រុស២នាក់ ស្រី១នាក់ដែលឈរនៅបន្ទប់ជួលកន្លែងកេីតហេតុបានហៅអោយពួកគេទាំង៣នាក់ចូលមកក្នុងបន្ទប់ដេីម្បីលក់ថ្នាំអោយ ហេីយពេលចូលទៅដល់ស្រាប់តែក្រុមជនសង្ស័យម្នាក់ក្នុងចំណោមបក្ខពួក៣នាក់ក្នុងនោះមានស្រី១នាក់បានធ្វេីសកម្មភាពយកកាំបិតភ្ជុងគម្រាមយកលុយអស់ចំនួន១៣០.០០០រៀល និងទូរស័ព្ទដៃអិនចុចពិលចំនួន២គ្រឿង ហេីយរត់គេចខ្លួនបាត់ពេលនោះក្រុមជនរងគ្រោះដែលដែលចូលទៅទិញថ្នាំនោះបានរាយការណ៍ទៅសមត្ថកិច្ចអោយចុះទៅដល់កន្លែងកេីតហេតុបានឃាត់ខ្លួនជនសង្ស័យប្រុសស្រីចំនួន២នាក់ ចំណែកក្រុមអ្នកចូលទៅទិញថ្នាំទាំង៣នាក់វិញក៍ឃាត់ខ្លួនដែរ ព្រោះសមត្ថកិច្ចចោទពីបទប៉ុនប៉ងប្រេីប្រាស់គ្រឿងញៀន ។

បច្ចុប្បន្នជនសង្ស័យទាំង៥នាក់កំពុងឃាត់ខ្លួននៅប៉ុស្តិ៍នគរបាលរដ្ឋបាលទឹកថ្លា ដេីម្បីធ្វេីការសួរនាំនិងកសាងសំណុំរឿងបញ្ជួនទៅកាន់អធិការនគរបាលខណ្ឌសែនសុខដេីម្បីចាត់ការបន្តតាមនិតិវិធី ៕

ដោយ៖ តុង សីហា