កំពង់ធំ៖ក្មេងស្ទាវ២ក្រុមបង្ករទំនាស់ទាញដាវដេញកាប់គ្នានៅលើកំណាត់ផ្លូវជាតិលេខ6A  បង្កអោយមានការភ្ញាក់ផ្អើលកាលពីវេលាម៉ោង ១១និង៣០នាទីថ្ងៃទី២៩ ខែកញ្ញា ឆ្នាំ ២០១៨ ស្ថិតនៅ ភូមិ ត្រើយម្យាប ឃុំប្រាសាទ ស្រុកសន្ទុក ខេត្តកំពង់ធំ។ សមត្ថកិច្ចបានអោយដឹងថា ក្រុមក្មេងស្ទាវមាន២ក្រុមគឺក្រុមឃុំតាំងក្រសាំងមានគ្នា ០២នាក់ទី១ ឈ្មោះ ឡាច ពីទូ  ភេទប្រុស  អាយុ១៩ឆ្នាំរស់នៅភូមិ តាំងក្រសាំង  ឃុំតាំងក្រសាំងត្រូវបានឃាត់ខ្លួន ទី២ ឈ្មោះ  គេហៅថា  អាកាញ៉ាញ់បានរត់គេចខ្លួន។ ចំណែកក្រុមឃុំកំពង់ថ្មមានគ្នា៧នាក់ មានម៉ូត៤គ្រឿង កំពុងតែរត់គេចខ្លួន មិនទាន់ស្គាល់អត្តសញ្ញាណ។  បច្ចុប្បន្នបាននាំខ្លួនឈ្មោះឡាច ពីទូពី  ត្រូវបានបញ្ចូនមកកាន់អធិការដ្ឋានស្រុកសន្ទុក ដើម្បីសួរនាំនិងបើកការស្រាវជ្រាវតាមចាប់ខ្លួនអ្នករត់គេចខ្លួន៕    ប៊ុនរិទ្ធី