ភ្នំពេញ ៖ យុវជនម្នាក់ក្រោយពីទាស់ពាក្យសម្តីជាមួយនារីជាគូរដណ្ដឹង ហើយបានសម្រេចចិត្តលោតពីផ្ទះកំពស់៥ជាន់ដើម្បីបញ្ចប់ជីវិតតែសំណាងណាងល្អមិនស្លាប់បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចុះទៅដល់កន្លែងកើតហេតុភ្លាមៗ កាលពីវេលាម៉ោង៩យប់ ថ្ងៃទី៣០ ខែកញ្ញា ឆ្នាំ២០១៨ នៅចំណុចផ្ទះលេខ១៨៧ នៅទល់មុខសណ្ឋាគារអាសុីតាមបណ្ដោយផ្លូវព្រះមុនីវង្ស ស្ថិតក្នុងសង្កាត់មនោរម្យខណ្ឌ៧មករា រាជធានីភ្នំពេញ ។

យុវជនរងគ្រោះចិត្តធំខាងលើមានឈ្មោះ ឡុង ម៉ៃ ភេទប្រុស អាយុ១៩ឆ្នាំ មុខរបបអ្នកអនាម័យនៅសណ្ឋាគារ ស្នាក់នៅក្បែកន្លែងកើតហេតុ និងមានស្រុកកំណើតនៅខេត្តតាកែវ។

តាមសម្តីប្រជាពលរដ្ឋម្នាក់ដែលរស់នៅជិតខាងបានឲ្យដឹងថា មុនពេលកើតហេតុគេ ឃើញយុវជនរងគ្រោះកំពុងអង្គុយផឹកសុីជាមួយគូរដណ្ដឹង និងមិត្តភក្តិប្រុសស្រី២-៣នាក់ទៀត លុះផឹកសុីមួយសន្ទុះក្រោយមកគេឃើញជនរងគ្រោះអង្គុយយំដោយសង្ស័យឈ្លោះប្រកែកគ្នាជាមួយគូរដណ្ដឹង ហើយជនរងគ្រោះបានប្រាប់ទៅគូរដណ្ដឹងរបស់ខ្លួននិងមិត្តភក្តិ ថា(សុំទៅបត់ជើងតូចបន្តិច) លុះទៅមិនឃើញត្រឡប់មកវិញ ក៏គូរដណ្ដឹងនិងមិត្តភក្តិចេញក្រៅមកមើល ស្រាប់តែឃើញជនរងគ្រោះលោតពីលើផ្ទះបាត់ទៅហើយតែសំណាងណាស់ជនរងគ្រោះមិនបានបាត់បង់ជីវិត គ្រាន់តែបាក់ជើងខាងឆ្វេងនិងរយៈកបន្ទិច ខណះ ពេលដែលលោតពីលើមកក្រោមចំដើមត្របែកព្រៃមួយដើមនៅខាងក្រោម បណ្តាលឲ្យរងរបួសធ្ងន់ត្រូវបាន រថយន្តសង្គ្រោះមន្ទីពេទ្យកាលម៉ែត្រដឹកយកទៅសង្គ្រោះភ្លាមៗ។

ក្រោយកើតហេតុ សមត្ថកិច្ចមូលដ្ឋានបាននាំគូរដណ្ដឹងជនរងគ្រោះ ព្រមទាំងមិត្ត ភក្តិ ដែលអង្គុយរួមគ្នា ដឹកយកទៅប៉ុស្តិ៍នគរបាលមនោរម្យដើម្បីសួរនាំរឿងហេតុ ៕សុខាសែនជ័យ